MITCHELL EN CAMPESE IS DIT EENS: Ki­wi­span­ne is res voor­uit

‘Ga­ping raak son­der twy­fel al hoe gro­ter’

Beeld - - 24 - Co­bus Claas­sen

Daar is hier en daar vals te­kens wat die teen­deel aan­dui, maar die Su­per­rug­by-ga­ping tus­sen Nieu-See­land en die res raak on­ge­twy­feld ál gro­ter, sê John Mitchell, oud-brei­er van die All Blacks.

Ná ron­de ne­ge van die Su­per­rug­by­reeks staaf die sta­tis­tie­ke die Ki­wi-span­ne se to­ta­le oor­heer­sing. Die vyf Nieu-See­land­se span­ne het so­ver ’n wen­per­sen­ta­sie van 77,2%, ter­wyl die ses Suid-A­fri­kaan­se fran­chi­ses in 28 uit 53 krag­me­tings (52,8%) aan die wen­kant was. Aus­tra­lie­se rug­by is in die waak­een­heid met ’n droe­wi­ge wen­per­sen­ta­sie van 25% (11 se­ges in 43 wed­stry­de).

Geen van die Aus­sie-span­ne kon al ’n oor­win­ning oor Ni­euSee­land­se teen­stand be­haal nie.

Trou­ens, die Blu­es, die swak­ste van die Nieu-See­land­se span­ne, het Son­dag in Can­ber­ra met die voor­ste Aus­tra­lie­se span, die Brum­bies, af­ge­re­ken.

Die S­tor­mers, die voor­lo­per in die A­fri­ka-kon­fe­ren­sie 1 en tot on­langs ’n pas­aan­ge­ër in SuidA­fri­ka, is die af­ge­lo­pe twee na-

wreed ont­nug­ter. Hul­le het ag­ter­een­vol­gens vyf­tig­tal­le teen die Cru­sa­ders en die High­lan­ders af­ge­staan en het in die pro­ses 17 drieë deur­ge­laat.

Dit na­dat die span van die Kaap vroe­ër die hoop laat op­vlam het toe hy die C­hiefs met 34-26 op Nu­we­land ge­troef het.

Die S­tor­mers, Bul­le en C­hee­tahs kon tot dus­ver die en­ke­le oor­win­nings in se­we wed­stry­de teen Ki­wi-span­ne be­klink.

Mitchell sê die Nieu-See­land­se aan­slag gaan in die af­ge­lo­pe paar sei­soe­ne van krag tot krag.

“Die ga­ping raak dui­de­lik al gro­ter. Die Nieu-See­land­se span­ne het die reg­te re­sep ge­vind en volg dit met groot wel­slae.

“Die wy­se waar­op hul­le teen ’n hoë in­ten­si­teit oe­fen, die spel be­na­der en met self­ver­troue aan­val, on­der­skei hul­le van die res. Hul­le ver­dien lof, maar dis ter­self­der­tyd kom­mer­wek­kend en is een van die re­des waar­om die kom­pe­ti­sie nie meer so ge­wild is nie.”

Mitchell sê die S­tor­mers se a­von­tuur­lus­tig­heid op die aan­val is goed om te sien, maar hul­le was na­ïef teen die Cru­we­ke sa­ders en die High­lan­ders.

“Jy kan nie op in die in­ge­wing van die oom­blik van e­ni­ge plek op die veld be­gin hard­loop nie. Die S­tor­mers het dit mak­lik ge­maak om teen hul­le te ver­de­dig.”

Hy voor­spel sy ou span, die Leeus, is die e­nig­ste span wat van­jaar tus­sen Nieu-See­land en Su­per­rug­by-glo­rie kan staan.

“Die Leeus speel tot ’n groot ma­te soos die Nieu-See­land­se span­ne en daar is ’n goeie kern van er­va­re spe­lers in die span.

“Ha­rold Vor­ster op bin­ne­sen­ter is ’n spe­ler wat my baie op­ge­won­de maak. Hy is ’n baie goeie ver­sprei­der van be­sit.”

Mitchell sê die Leeus se tak­tie­se skop­werk kan laat in die kom­pe­ti­sie een van die span se leem­tes wees.

“Dit is iets waar­na hul­le moet kyk. Dit kan die Leeus se A­chil­les­hiel wees in ’n wed­stryd waar­in hul­le suk­kel om mo­men­tum te kry.”

Die voor­ma­li­ge Wal­la­by-vleu­el Da­vid Campese sê die Nieu-See­land­se stel­sel is wê­reld­rug­by ver voor­uit.

“Hul spe­lers se vaar­dig­he­de is op ’n heel an­der vlak om die min­ste te sê. In Aus­tra­lië het ons weg­be­weeg van ons tra­di­si­o­ne­le ma­nier van speel en pro­beer dees­dae om met groot spe­lers, wat nie vaar­dig­he­de het nie, oor die weg te kom.

“Min of meer die­self­de is in Suid-A­fri­ka die ge­val, of­skoon die Leeus ’n uit­son­de­ring is.

“Die ga­ping tus­sen die Ni­euSee­land­se span­ne en die res word gro­ter, maar dit is nie iets wat oor­nag ge­beur het nie,” sê Campese.

John Mitchell Fo­to: GETTY IMAGES

Newspapers in Afrikaans

Newspapers from South Africa

© PressReader. All rights reserved.