Jou loop­baan: Hoe staan jy op en gaan aan?

In dié tyd van ver­an­de­ring raak on­se­ker­heid al­le as­pek­te van ons le­we. Wat moet jy doen om te sorg dat jy ge­reed is vir loop­baan­om­wen­te­lings? A­man­da Vis­ser ver­tel meer.

Beeld - - Sake -

Men­se be­vind hul­le al hoe meer by ’n kruis­pad in hul loop­baan. Dit kan toe­ge­skryf word aan in­kor­tings, af­dan­kings of om uit­ge­skuif te word om vir jon­ger en goed­ko­per wer­kers plek te maak.

Wan­neer dit ge­beur, voel dit soos die ein­de van die wê­reld, ver­al as jy ou­er as 50 is. “Dit is nie die ein­de nie,” sê Si­mo­ne le Ha­ne, be­stuur­ders­kon­sul­tant van C­han­ge Part­ners.

Die on­mid­del­li­ke re­ak­sie is wel om pa­nie­ke­rig te word. Om ver­lo­re te voel. Om in ’n dwaal te wees, al­leen. Dit het ’n lig­gaam­li­ke uit­wer­king. Men­se kry hart­klop­pings. Pa­niek oor­wel­dig hul­le. Hul slaap­pa­troon word ver­steur en hul­le ver­loor hul ap­tyt.

Le Ha­ne sê in dié on­stui­mi­ge tyd is dit nood­saak­lik om te ont­hou dat jy op­sies en keu­ses het. “Selfs al is jy ou­er as 50, het jy nog 20 jaar om te werk. Ons tree nie meer ná 60 af nie. Ons werk tot by­na 70 of selfs ná 70.”

Ont­hou die le­wens­ver­haal van kol. San­ders van KFC. Op 66 het hy net $105 ge­had na­dat hy sy eer­ste re­stau­rant teen ’n ver­lies ver­koop het. Op 88 was hy ’n mil­jar­dêr, sê Le Ha­ne.

Maar hoe “rol jy om, staan op, stof jou af en gaan aan”?

Se­ke­re goed moet jy be­slis nie doen nie. Moe­nie pa­nie­ke­rig raak en tob nie, sê Le Ha­ne. “Sorg vir jou­self deur ge­sond te eet en te oe­fen. Dit kos geld om siek te wees.”

Sy be­klem­toon dat dit be­lang­rik is om ge­sond te bly – lig­gaam­lik, ver­stan­de­lik en gees­te­lik – deur te oe­fen, ge­sond te eet en goeie waar­des en gees­te­li­ke wel­stand te ont­wik­kel. “Dit al­les bou stand­vas­tig­heid op om te kan her­stel. Stand­vas­tig­heid gaan daar­oor om be­heer oor jou le­we oor te neem.”

Moet ook nie jou ge­sin of maat van die waar­heid uit­sluit of daar­teen pro­beer be­skerm nie. Daar is ook die ge­vaar­li­ke ver­soe­king om jou toe­vlug tot al­ko­hol of dwelms te neem.

Die vol­gen­de stap is om jou op­sies te on­der­soek deur jou CV na te gaan en uit te s­tuur of jy kan selfs jou eie on­der­ne­ming oor­weeg. Dit kan al­les te­ge­lyk ge­doen word. Jy hoef nie net een op­sie na te streef nie, sê Le Ha­ne.

Le Ha­ne se raad is om on­der- steu­ning te soek: ) Wat nood­saak­lik is, is dat jy kom­mu­ni­keer. Be­gin om met die men­se die naas­te aan jou te praat. ) Soek siel­kun­di­ge on­der­steu­ning bui­te jou ge­sin, soos by ’n te­ra­peut of ’n kon­sul­tant. Maat­skap­pye wat hul per­so­neel in­kort, bied dik­wels ’n wel­stands­pro­gram of by­ko­men­de steun om met die oor­gang uit die maat­skap­py of die sek­tor te help. ) Kry jou fi­nan­si­ë­le ad­vi­seur se on­der­steu­ning. Gaan jou fi­nan­si­ë­le si­tu­a­sie na en be­gin op­sies uit ’n fi­nan­si­ë­le oog­punt on­der­soek.

Le Ha­ne sê daar is be­slis­te te­kens wat kan wys dat al­les in­een gaan stort. Dit kan wees dat jou maat­skap­py her­struk­tu­reer en dat “uit­no­di­gings” om ’n vry­wil­li­ge af­dan­kings­pak­ket of vroeë af­tre­de te aan­vaar, ge­reeld op­duik. Jy kan ook ag­ter­kom dat jy nie die­self­de waar­de toe­voeg as toe jy jon­ger was nie.

Men­se be­reik ook ’n ge­mak­so­ne en het hul­self nie om­skep en nu­we vaar­dig­he­de aan­ge­leer nie. “Jy ver­een­sel­wig jou nie meer met die ver­an­der­de of om­skep­te on­der­ne­ming se waar­des of kul­tuur nie,” sê sy.

Baie men­se sien die storm na­der­kom, maar is nie ge­reed vir die gol­we nie. Le Ha­ne sê ma­nie­re be­staan om vir sul­ke om­wen­te­lings ge­reed te maak. “Selfs al is jy plat­ge­slaan, kan jy be­sker­mings­maat­re­ëls in­stel om te keer dat jy weer plat­ge­druk word. Die kans is heel goed dat dit weer sal ge­beur – on­ge­ag hoe goed jy met jou werk of die be­stuur van jou on­der­ne­ming is. Jy moet ge­reed wees daar­voor.”

Van die be­voegd­he­de wat die moei­te werd is om te ont­wik­kel, is: ) Stand­vas­tig­heid Die ver­moë om swaar­kry en pro­ble­me te oor­leef. Maak iets goeds uit ’n sleg­te si­tu­a­sie; ) E­mo­si­o­ne­le rats­heid ’n Mens moet leer om aan­pas­baar en ne­de­rig te wees. ) Sorg vir jou­self Wees al­tyd vrien­de­lik met jou­self. Aan­vaar dat “dit die le­we is”. Dit kan voel of jy die e­nig­ste mens is wat suk­kel, maar as jy met an­der men­se praat, sal jy ag­ter­kom baie van hul­le was in jou po­si­sie; ) Dank­baar­heid On­danks die pro­ble­me is daar goeie din­ge. Dit is dalk klein din­ge­tjies, soos om ge­sond te wees, om ’n on­der­steu­nen­de ge­sin en vrien­de te hê, of min of geen skuld; ) Di­ver­si­fi­seer K­week die ge­woon­te aan om veel­vul­di­ge in­kom­ste­stro­me te ont­wik­kel, of dit nou pas­sie­we in­kom­ste in die vorm van huur- of di­vi­dend­in­kom­ste is of om na­we­ke koe­ke te bak en te ver­koop. Die i­dee van een werk jou le­we lank is nie meer gel­dig nie. ) Be­plan Of dit nou fi­nan­si­ë­le, loop­baan- of le­wens­plan­ne is, dit is be­lang­rik om ’n plan te hê. Dit help om doel­be­wus­ter te leef, selfs al werk jou plan­ne nie per­fek uit nie.

Loop­baan­om­wen­te­lings kan ’n mens mag­te­loos laat voel.

Newspapers in Afrikaans

Newspapers from South Africa

© PressReader. All rights reserved.