Ge­strem­de jong spe­ler droom van ’n toe­koms op gholf­baan

Beeld - - Nuus - Joe Ven­ter

’n Tie­ner wat vier maan­de voor sy ge­boor­te ’n be­roer­te ge­had het, het drie ti­tels op Ca­non se Suid-A­fri­kaan­se Ope-gholf­toer­nooi in Kaap­stad voor van die wê­reld se bes­te ge­strem­de spe­lers se neus weg­ge­raap.

En­ri­que van Wyk (16) ly aan he­mi­ple­gie (een­sy­di­ge ver­lam­ming). Hy het nie die vol­le ge­bruik van sy reg­ter­arm nie en daar is ook ska­de aan sy lin­ker­voet.

Dit het hom eg­ter nie ge­keer nie.

Van kleins af was daar al­tyd wed­y­we­ring tus­sen En­ri­que en sy ou­er broer, At­tie. At­tie het in gholf be­gin uit­blink en die Vry- staat­se span ge­haal. Dit is wat die jon­ger broer ook wou doen.

Met ’n reg­ter­arm wat nie lek­ker kon swaai nie en ’n ge­strem­de lin­ker­voet het dit ek­stra werk ge­kos om bo uit te kom.

Hy het ge­sien hoe At­tie op die baan pres­teer en het sy ou­er broer on­der­steun, maar toe hy ne­ge jaar oud was, het hy be­sluit hy moet ook be­gin oe­fen en wen. ’n Pro­jek van die SuidA­fri­kaan­se Gholf­ver­e­ni­ging vir Ge­strem­des om kin­ders met spe­si­a­le pro­ble­me by te staan, het En­ri­que ge­help.

Op die toer­nooi ver­le­de week was sy groot held, sy pa, Peet, deur­gaans aan sy sy. Hy het as En­ri­que se jog­gie op­ge­tree en raad ge­gee waar dit no­dig was.

En­ri­que het teen 21 van die bes­te ge­strem­de spe­lers van 13 lan­de deel­ge­neem.

Hy sal bit­ter graag een­dag ’n be­roeps­gholf­spe­ler wil word, maar hy weet dit is hom nie be­sko­re nie. Dat hy wel by die spel be­trok­ke wil wees, is se­ker.

Dié leer­ling aan die Mar­tie du P­les­sis-skool in Bloem­fon­tein hoop hy kan ná sy skool­loop­baan by gholf be­trok­ke raak. Daar is ver­skeie gholf­kam­pi­oe­ne wat be­trok­ke is by die bou van ba­ne en die in­stand­hou­ding daar­van. Dit sal die jong kam­pi­oen soos ’n hand­skoen pas as hy so iets kan doen.

Maar, sê sy pa, hy moet eers sy skool­loop­baan vol­tooi.

En­ri­que van Wyk (16) in ak­sie op die gholf­baan.

Newspapers in Afrikaans

Newspapers from South Africa

© PressReader. All rights reserved.