Bor­sel­wurm leef tot 250 jaar

Beeld - - Nuus - El­sa­bé B­rits

Die groot bor­sel­wurms wat diep in die Golf van Mex­i­ko voor­kom, is waar­skyn­lik van die die­re wat die lang­ste leef – tot 250 jaar.

Nu­we na­vor­sing wat pas in die vak­joer­naal The S­cien­ce of Na­tu­re ge­pu­bli­seer is, het be­vind dié bor­sel­wurms (Es­car­pia la­mi­na­ta) kan waar­skyn­lik die langs­le­wen­de die­re op aar­de wees wat in ko­lo­nies voor­kom.

Die na­vor­sers het vas­ge­stel die mees­te van die wurms leef ge­mid­deld tot 250 jaar. Daar is selfs van hul­le wat tot 300 jaar oud word. Hul­le kom tus­sen

1 000 m en 3 300 m diep op die see­bo­dem voor.

Vol­gens die na­vor­sers het hul­le 356 van die wurm­ko­lo­nies in die Golf van Mex­i­ko be­stu­deer en ge­meet hoe­veel hul­le in een jaar groei. Dit is die eer­ste keer dat sul­ke na­vor­sing op die bor­sel­wurms ge­doen is.

Die wurms groei baie sta­dig en om­dat hul­le nie na­tuur­li­ke vy­an­de het nie, leef hul­le lank. Hul­le plant voort, selfs al is hul­le ou­er as 200 jaar.

Die oud­ste ge­wer­wel­de land­dier tot nog toe wat aan­ge­te­ken is, is Ge­or­ge, ’n reu­se­skil­pad van die Ga­la­pa­gos-ei­lan­de wat 177 jaar oud ge­word het. Ba­lein­wal­vis­se kan tot 211 jaar oud word. Die oud­ste ga­per­mossel (Ar­ti­ca is­lan­di­ca) wat tot nog toe aan­ge­te­ken is, was 507 jaar oud. Hul­le kom wel nie in ko­lo­nies voor nie, lui die ver­kla­ring.

Fo­to: CHEMO III PROJECT/BOEM/NOAA OER

Die groot bor­sel­wurm (Es­car­pia la­mi­na­ta), wat ge­mid­deld 250 jaar oud word, is een van die die­re wat waar­skyn­lik die lang­ste leef.

Newspapers in Afrikaans

Newspapers from South Africa

© PressReader. All rights reserved.