Bui­te­lan­ders is steeds lus vir SA staats­ef­fek­te

Ver­koop eg­ter meer aan­de­le

Beeld - - Boeke - Nel­lie Brand­Jon­ker

Suid-A­fri­kaan­se staats­ef­fek­te van al­te­sa­me $3 miljard is in die eer­ste helf­te van die jaar ge­koop as wat ver­koop is.

Dit is eg­ter so­wat $600 mil­joen of 16% min­der as in die oor­een­stem­men­de tyd ver­le­de jaar, toe die net­to in­vloei $3,6 miljard was.

Bui­te­lan­ders ver­koop eg­ter meer aan­de­le as wat hul­le koop. In die eer­ste helf­te van die jaar was die net­to uit­vloei uit aan­de­le $4,2 miljard.

Dit is wel min­der as die net­to uit­vloei van $5 miljard in die oor­een­stem­men­de half­jaar in 2016, vol­gens die In­s­ti­tuut van In­ter­na­si­o­na­le Fi­nan­sies (IIF).

Van be­gin van­dees­maand tot Vry­dag het meer geld eg­ter na aan­de­le ge­vloei as wat uit­ge­vloei het. Die net­to in­vloei na aan­de­le was $741 mil­joen.

In dié tyd is ’n net­to $196 mil­joen se staats­ef­fek­te ont­trek.

An­na­bel Bis­hop, e­ko­noom van In­ves­tec Bank, sê die rand gaan vir die res van die jaar waar­skyn­lik wis­sel­val­lig bly, al be­hou in­ter­na­si­o­na­le be­leg­gers hul ap­tyt vir ri­si­ko.

“Die stel­sel­ma­ti­ge ver­be­te­ring in in­ter­na­si­o­na­le e­ko­no­mie­se groei van­jaar het be­leg­gers se ap­tyt vir ri­si­ko ver­be­ter.”

Vol­gens haar het dit bui­te­land­se be­leg­gers aan­ge­moe­dig om in op­ko­men­de lan­de se plaas­li­ke staats­ef­fek­te te be­lê.

Die IFF sê ’n to­ta­le net­to in­vloei van $157 miljard is in die eer­ste helf­te van die jaar in op­ko­men­de mark­te se ba­tes aan­ge­te­ken. Daar­van is $108 miljard in skuld­brie­we be­lê.

Bis­hop sê dié sy­fers is soort­ge­lyk aan 2012 en 2007, wat al­bei baie goeie ja­re was.

Aan die be­gin van die der­de kwar­taal was daar ’n kort­ston­di­ge tyd­perk van ri­si­ko­ver­my­ding toe sen­tra­le ban­ke in ont­wik­kel­de lan­de be­gin aan­dui het hul­le gaan ren­te­koer­se ver­hoog.

“’n Vin­ni­ger nor­ma­li­se­ring van ren­te­koer­se as wat tans ver­wag word, gaan die ap­tyt vir ri­si­ko weg­vreet tot op ’n punt van ri­si­ko­ver­my­ding en dit gaan lei tot ’n ver­swak­king van die rand.”

Sy sê vir Suid-A­fri­ka is ver­al A­me­ri­kaan­se ren­te­koer­se van be­lang.

Die Fe­de­ra­le Re­ser­we­raad se on­lang­se toon was min­der ag­gres­sief as wat ver­wag is en dit het die ap­tyt vir ri­si­ko in die der­de kwar­taal laat her­vat, vol­gens Bis­hop.

Sy sê die koop­krag­pa­ri­teit van die rand is tans op R10,50 teen­oor die dol­lar. Maar die rig­ting wat die rand in­slaan sal daar­van af­hang of Suid-A­fri­ka sy twee oor­bly­wen­de be­leg­gings­gra­de­rings op sy rand­ge­de­no­mi­neer­de staats­ef­fek­te be­hou.

“’n Ver­lies daar­van kan ver­oor­saak dat die rand tot R19,50 teen­oor die dol­lar ver­swak.”

Om ver­de­re kre­die­taf­gra­de­rings te ver­my, moet die ver­hou­ding van staat­skuld tot die bru­to bin­ne­land­se pro­duk (BBP) be­perk word en BBP-groei moet we­sen­lik toe­neem. “Die on­lang­se af­gra­de­rings was die ge­volg van die sty­ging in die ver­hou­ding van skuld tot die BBP ter­wyl groei ver­swak.”

Ho­ër be­las­tings sal ’n ver­de­re ver­swak­king in e­ko­no­mie­se groei mee­bring om­dat die ver­troue van sa­ke­lui en ver­brui­kers reeds on­der druk is.

Al be­hou in­ter­na­si­o­na­le be­leg­gers hul ap­tyt vir ri­si­ko, gaan die rand waar­skyn­lik wis­sel­val­lig bly.

Newspapers in Afrikaans

Newspapers from South Africa

© PressReader. All rights reserved.