P­rent uit Ni­ge­rië aan­ge­wys as bes­te

SA by­dra­es staan sterk

Beeld - - Kuns & Vermaak - La­e­ti­tia Pop­le

Suid-A­fri­kaan­se rol­pren­te het be­son­der sterk ver­toon op die 38ste In­ter­na­si­o­na­le Rolprentfees in Dur­ban.

Va­ya van A­kin O­mo­to­so is as die bes­te Suid-A­fri­kaan­se rol­prent aan­ge­wys en Inxe­ba (The Wound) is uit­ge­son­der vir re­gie (John T­ren­go­ve) en die spel van Nak­ha­ne Touré in die hoof­rol van dié p­rent, wat af­speel teen die ag­ter­grond van i­ni­si­a­sie­prak­ty­ke in die Oos-Kaap. Touré is van­jaar se bes­te ak­teur.

Die plaas­li­ke dok­kie S­tri­ke a Rock van die Jo­han­nes­burg­se re­gis­seur A­li­ki Sara­gas is die bes­te Suid-A­fri­kaan­se do­ku­men­têr. Dit volg op die ge­hoor­prys by En­coun­ters, van­jaar se do­ku­men­tê­re fees in Dur­ban. Dié p­rent volg die le­we van die vroue van Ma­ri­ka­na ná die Lon­min-myn­slag­ting in 2012 waar­in 41 myn­wer­kers deur die po­li­sie dood­ge­skiet is. Sara­gas het met die vroue ge­praat en be­son­der­se beeld­ma­te­ri­aal ver­sa­mel.

Die Suid-A­fri­kaan­se a­ni­ma­sie­prent Liy­a­na is uit­ge­son­der vir ar­tis­tie­ke dap­per­heid. Die p­rent fo­kus op ’n jong S­wa­zi-mei­sie wat op ’n le­wens­ge­vaar­li­ke tog ver­trek om haar jon­ger twee­ling­broers te red. Dié uit­da­gen­de p­rent be­lig die lot van wees­kin­ders en is die pro­duk van die le­wens­ver­ha­le van vyf wees­kin­ders in S­wa­zi­land. A­ni­ma­sie en do­ku­men­tê­re in­set­te word ver­meng en vol­doen nie aan ge­wo­ne gen­re­ver­eis­tes nie. Die SuidA­fri­ka­ners Gi­na Mhlop­he was be­trok­ke as sto­rie-ad­vi­seur en P­hi­lip Mil­ler het die mu­siek vir dié hoog­aan­ge­skre­we p­rent ge­kom­po­neer. Die ak­tri­se T­han­die Ne­w­ton is die uit­voe­ren­de ver­vaar­di­ger.

Va­ya, Tim O­mo­to­so se wen­prent, het van­jaar die New York A­fri­ca-rolprentfees ge­o­pen. Daar­in word die ver­ha­le ver­tel van drie men­se wat elk­een op pad is na die Goud­stad om daar ’n be­ter le­we te pro­beer saam­skraap.

T­ren­go­ve se de­buut­prent, Inxe­ba, het be­ne­wens die twee pry­se by dié fees, ook ver­skeie an­der ver­e­rings se­dert be­gin ver­le­de jaar in­ge­palm. Die p­rent is eg­ter nou vir die eer­ste keer in A­fri­ka ver­toon.

Va­ya, Inxe­ba, A­si­na­ma­li, Liy­a­na en Ser­pent, nog ’n Suid-A­fri­kaan­se p­rent, het mee­ge­ding met Le Clair Obscur (Tur­kye), La Bel­le et la Meu­te (Tu­ni­sië), El Hom­bre que Cui­da (Do­mi­ni­kaan­se Re­pu­bliek), A­ta­nyn Ke­ree­zi (Ki­r­gi­stan) en Bas­ta (Ma­rok­ko).

Ni­ge­rië se A Fat­her’s Will is aan­ge­wys as die in­ter­na­si­o­na­le wen­ner. Dit is ook ver­eer vir re­gie en ki­ne­ma­to­gra­fie. Die p­rent han­del oor ’n seun wat deur sy pa ont­erf word om­dat hy te veel van ’n rig­ting­lo­se los­bol is.

Die re­gis­seur en skry­wer Z­we­let­hu Ra­de­be se The Hang­man is as die bes­te Suid-A­fri­kaan­se kort­prent aan­ge­wys. Dit speel af teen die ag­ter­grond van ’n SuidA­fri­kaan­se tronk en han­del oor die ge­bro­ke ver­hou­ding tus­sen ’n pa en seun.

Dusk C­ho­rus is as die bes­te in­ter­na­si­o­na­le do­ku­men­têr aan­ge­wys. Die p­rent volg die kom­po­nis Da­vid Mo­nac­chi wat klank­op­na­mes maak in die re­ën­wou­de, die plek­ke op aar­de met die hoog­ste bi­o­di­ver­si­teit.

Newspapers in Afrikaans

Newspapers from South Africa

© PressReader. All rights reserved.