Dié roc­ker wil jou in­spi­reer om ’n al­le­daag­se held te wees

Beeld - - Vrydag - El­sje du Toit

Skaars ’n jaar ge­le­de was die be­baar­de A­fri­kaan­se roc­ker Jo Black en sy ge­sin nog af­hank­lik van do­na­sies en kos van sko­le en ker­ke. Maar dees­dae rock Jo (35) oor Suid-A­fri­ka heen en kan hy sy vrou, Deb­bie, en hul t­wee dog­ters, Di­nie­ke (8) en Mi­ané (5), met ’n iet­sie lek­kers be­derf – met geld wat hy met sy mu­siek ver­dien.

Ka­rak­ter

“Al­mal moet soos ie­mand voel.”

Hy kry ’n erns­ti­ge kyk in sy oë. “Jou ka­rak­ter, jou in­te­gri­teit kan die wê­reld ver­an­der.”

Dít is die kern van Be That Guy (BTG) E­ver­y­day He­roes, ’n pro­jek wat hy be­gin het om kin­ders tot hul vol­le po­ten­si­aal te laat ont­wik­kel. Sy eer­ste pri­o­ri­teit.

“Ek is nie ’n mo­ti­ve­rings­pre­ker nie. Net jý kan jou­self mo­ti­veer. Ek kan jou wel in­spi­reer deur my sto­ries.”

Ver­le­de jaar Ja­nu­a­rie was Jo op “die laag­ste laag­te­punt” in sy le­we.

“Din­ge in my le­we het reg­tig baie sleg ge­gaan. Ek was werk­loos; ek kon nie my ge­sin on­der­hou nie. Ek was rock bottom.”

Maar dit was Di­nie­ke en Mi­ané wat hom na die werk­lik­heid te­rug­ge­ruk het.

“Ek het net ge­dink ek kan nie nou iets on­ver­ant­woor­de­lik s doen nie. Ek is die eer­ste man vir wie my dog­ter­tjies sal lief wees en [ek] ook vir hul­le.”

Op ’n dag het iets voor­ge­val toe sy broer ’n praat­jie by ’n skool moes gaan aan­bied en hy het Jo ge­vra om in te staan.

“Ek wou dit glad nie doen nie. In daar­die sta­di­um was ek die laas­te per­soon wat men­se sou kon in­spi­reer. Maar ek het ge­pitch. Ek het ge­praat en hier is ons van­dag. Ek het nie ge­weet ek is ’n spre­ker tot­dat ek be­gin praat het nie.”

Van 5 Fe­bru­a­rie ver­le­de jaar af tot nou toe het Jo al by meer as 240 sko­le ge­praat en jong men­se pro­beer in­spi­reer om ’n be­ter mens te wees.

“Jy moet ie­mand wíl wees wat die wê­reld kan ver­an­der.” Hoe­wel hy el­ke week tal­le op­tre­des oor die land heen het, weet Jo, wie se reg­te van En­gel­brecht is, glad nie hoe­veel hy el­ke keer ver­dien nie.

“Geld fas­si­neer my glad nie. Eers wan­neer die geld in my re­ke­ning in­be­taal word, sal ek sien hoe­veel ek daar­die aand ver­dien het.”

Vir hom is “die eint­li­ke waar­de van geld” wan­neer hy daar­mee sy vrou of kin­ders kan laat glim­lag. “Ons het nog tot ver­le­de jaar Sep­tem­ber op ’n skool se voe­ding­ske­ma ge­leef. Ek kon nie eens my kin­ders se skool­geld be­taal nie.

“My vrou en kin­ders het swaar­ge­kry en ek kon hul­le nie ver­sorg nie.”

Maar nou gaan dit mak­li­ker om sy ge­sin te ver­sorg en hul­le af en toe te be­derf.

“Deb­bie is die een wat spaar, want ek wil net uit­gee. Maar om­dat ons ge­woond is daar­aan om met so min klaar te kom, het ons nie nou baie uit­ga­wes nie.”

Die geld wat hul­le oor het na­dat hul uit­ga­wes ge­dek is, ge­bruik hul­le om an­der be­hoef­ti­ges in hul fa­mi­lie te help.

“Vol­gen­de jaar sal ons reg­tig be­gin spaar en ’n bie­tjie geld pro­beer maak.”

Hy moe­dig men­se aan om wel an­der in nood met ’n gel­de­li­ke by­drae te help. “Ek weet hoe dit voel as ie­mand vir jou geld gee om­dat hul­le weet jy kry swaar. Ek was daar. Daar­die R100 of R200 wat jy dink nie veel is nie, het baie ga­te toe­ge­stop toe ons dit nie ge­had het nie. Steek net jou hand uit na ie­mand, want ons weet nie wie wat­ter batt­les fig­ht hul­le nie. Maak ’n ver­skil.”

Mu­siek

Jo be­skryf sy mu­siek en op­tre­des as drie­le­dig. “My mu­siek moe­nie net mooi wees nie. My mu­siek moet men­se laat dink oor hoe hul­le ie­mand kan wees wat die wê­reld kan ver­an­der. Dit moet e­mo­sie by die ge­hoor ont­lok. Men­se moet met hul ore, siel en hart luis­ter.”

Fo­to: MLUNGISI LOUW

Jo Black Geld

Newspapers in Afrikaans

Newspapers from South Africa

© PressReader. All rights reserved.