Vrou­e­dag sê baie oor ver­hou­dings

Beeld - - MIDDELBLAD - Chris­ti­na Land­man

‘Ver­hou­dings is ’n on­no­di­ge ge­mors,” sê ie­mand nou die dag. Sy ver­hou­ding met sy mei­sie het pas bloe­dig op­ge­breek. “Ek het nie ’n vrou no­dig nie. Hul­le vreet jou op, die blin­king spul fe­mi­nis­te. Wat het dan van lief­de­vol­le vroue ge­word?” vra hy.

Ek dog toe so: Mis­kien is dit ’n goeie ding dat ons op Vrou­e­dag ’n bie­tjie kyk wat sê die vrou­e­te­o­loë oor ver­hou­dings.

Die eer­ste ding wat ’n mens moet sê, is dat die lie­der­li­ke fe­mi­nis­me soos hier­die man dit ver­staan, nooit reg­tig be­staan het nie. Fe­mi­nis­me was nooit an­ti-man en op­vre­te­rig nie. Maar dit het par­ty mans skrik­ge­maak. Ve­ral die be­krui­pers wat dink vroue se ly­we is daar vir die vat. En daai mans wat ge­dink het ’n ver­hou­ding is ’n re­ë­ling vir skoon was­goed en gaar kos.

Van­dag be­weeg vrou­e­te­o­loë in twee rig­tings . . . wat saam­loop.

Pos­t­fe­mi­nis­me sê dat ons nie vroue as slag­of­fers moet sien nie. Vroue moet mo­re­le a­gen­te word. Die En­gels is mo­ral a­gents. Ek sê dit maar net om­dat ’n “a­gent” in A­fri­kaans ge­woon­lik ie­mand is wat hui­se ver­koop. Maar hier be­te­ken dit dat ’n vrou wat by­voor­beeld ver­krag is, nie ver­lam moet bly en toe­laat dat slag­of­fer­wees haar kop oor­neem nie. Die vrees­lik­heid van wat met haar ge­beur het, moet juis maak dat sy ’n a­gent word. Sy moet daar­voor veg dat mans mo­reel teen­oor ’n vrou sal op­tree.

So, pos­t­fe­mi­nis­me soek mo­re­le ver­hou­dings tus­sen mans en vroue – waar­in vroue se pyn erns­tig op­ge­neem word. En daar­voor het jy lief­de­vol­le mans no­dig. Pos­t­fe­mi­nis­me sê ook dat mans en vroue hul ba­klei­e­ry oor wie die bes­te is, moet laat staan. En saam­werk. Im­mers is “gen­der” net ’n klein stuk­kie van jou mens­wees. Ons maak ’n te groot ding daar­van. Ver­hou­dings gaan oor wat ons in ge­meen het, daai goed wat maak dat ons kan saam­leef.

As pos­t­fe­mi­nis­me vir jou te a­ka­de­mies en We­sters klink, kan jy ge­rus luis­ter wat sê die A­fri­ka-vrou­e­te­o­loë. Vir hul­le is ver­hou­dings baie be­lang­rik. En hul­le soek nie die vroue in die By­bel wat so een-een self uit­staan nie. Hul­le soek die vroue wat ge­son­de ver­hou­dings kon bou. Hul­le soek vroue soos Rut, wat die ge­wo­ne din­ge met ’n man doen, maar daar­in goeie be­slui­te oor hul­self en hul ge­sin neem.

Die A­fri­ka-vrou­e­te­o­loë is streng in hul sie­ning oor siek ver­hou­dings. Of on­trou­heid en ge­weld en on­ge­lyk­heid. Daar­van is daar baie in die By­bel. En ná dui­sen­de ja­re nog meer om ons. En dis be­lang­rik dat vroue hul ver­ha­le ver­tel, na­dat hul­le eeue lank in die By­bel weg­ge­steek ge­bly het. En van­dag moet vroue ook ruim­te kry om te praat – om be­ter ge­lyk met mans te wees.

So is dit nou tyd om Vrou­e­dag te ge­niet. Want Vrou­e­dag gaan oor ver­hou­dings. Ver­hou­dings wat nie net goed en mo­reel is nie, maar lek­ker. En dit laat va­ri­a­sie toe. Daar is plek vir men­se wat al­leen wil wees, en an­der wat baie ge­heg aan me­kaar wil wees.

So­lank ons me­kaar se taal be­gin ver­staan. En die ge­son­de taal wat ons saam moet praat, het nie plek vir mag en ver­krag nie.

As als reg is – en dit gaan on­ge­luk­kig nog ’n tyd­jie duur – her­noem ons Vrou­e­dag na Ver­hou­dings­dag.

Newspapers in Afrikaans

Newspapers from South Africa

© PressReader. All rights reserved.