’n Sto­rie wat lóóp, di­a­loog knet­ter

Beeld - - Boeke - Jeug­fik­sie Die Boen­does­baai­ding Ru­di Ven­ter HU­MAN & ROUSSEAU, R155

Jon­ger le­sers het nie vas­ge­haak by plaas­sto­ries met kaal­voe­trak­kers wat klei­lat gooi en das­sies jag nie en jeug­ver­haal­skry­wers het hul­le le­sers die ste­de in ge­volg. Mo­der­ne ka­rak­ters is ge­wa­pen met el­ke teg­no­lo­gie­se hulp­mid­del waar­aan jy kan dink en stoei dik­wels met ak­tu­e­le kwes­sies, soos dwelms, voor­hu­we­lik­se seks . . . en skaats­plan­ke.

Maar dit is lek­ker om te­rug te keer na die be­trek­li­ke on­skuld van die plat­te­land, al word die plat­te­land ef­fens tong in die kies aan­ge­bied. En span­nings­ro­mans is dees­dae bo­aan A­fri­kaans le­sers se lees­lys­te – hoe­kom nie ’n speur­ver­haal vir jon­ger le­sers óók nie?

Ed­die se ma be­dryf ’n gas­te­huis op Boen­does­baai. Sy Ne­me­sis is Gat­skoon­maak, Ed­die se broer se iet­wat ek­sen­trie­ke perd, met wie Ed­die teen wil en dank moet “bond”: Ou­boet gaan oor­see en Ed­die sal die ou knol moet op­pas. Kom daar­van om jou broer te vra om jou met wis­kun­de te help.

Ed­die hoor heel toe­val­lig van die “ding” van 12 Sep­tem­ber 1993. Be­ïn­druk om­dat daar iets op­win­dends op sy tuis­dorp ge­beur het, al is dit lank ge­le­de, be­sluit Ed­die om speur­werk te doen. Hy snuf­fel in die bi­bli­o­teek, ge­sels met ’n af­ge­tre­de speur­der.

Ma­ryna Cloe­te, ’n rooi­kop met die las­tig­heid van ’n stal­vlieg, maal al óm hom. Die dorp se ri­vier is so be­soe­del dat ’n man skaars ’n ver­koue daar kan vang, laat staan nog ’n vis. Dalk het dit iets te doen met die dam vol gif­ti­ge che­mi­ka­lieë langs die voor­ma­li­ge wa­pen­fa­briek? En hoe pas dit in by ’n ge­waag­de bank­roof ja­re ge­le­de?

Ed­die se paaie kruis ook met twee neefs, Roe­lof en Hein, wat kom va­kan­sie hou en deel word van die in­tri­ge.

Die sto­rie lóóp, die di­a­loog knet­ter, die ka­rak­ters is ge­loof­waar­dig. As daar een boek is wat kna­pe ’n ruk lank van hul skaats­plan­ke gaan af­hou, is dit hier­die een.

■ J.B. Roux is ’n vry­skut­re­sen­sent van Rie­beek-Wes.

Newspapers in Afrikaans

Newspapers from South Africa

© PressReader. All rights reserved.