‘Droom­oog Diep­gra­wer’ de­ka­de se bes­te

Die Burger - - Kuns & Vermaak - Boek­merk Kei­na Swart

Droom­oog Diep­gra­wer van Le­on de Vil­liers (Lapa-uit­ge­wers) is on­ge­twy­feld die bes­te kin­der­boek wat ek die af­ge­lo­pe de­ka­de ge­lees het.

Die boek het on­der meer die Al­ba Bou­wer­prys en die C.P. Hoo­gen­hout-prys vir kin­der­li­te­ra­tuur ge­wen, en in my huis ge­wis ook die prys as kin­der­boek van die de­ka­de.

Ek het Droom­oog Diep­gra­wer een va­kan­sie vir my ge­sin voor­ge­lees ter­wyl ons lank en ver op in A­fri­ka ge­ry het, en selfs my man kon la­ter skaars vir die vol­gen­de hoof­stuk wag!

Die boek het on­ge­luk­kig ook die be­treu­rens­waar­di­ge pres­ta­sie be­haal dat dit een keer vir ’n on­heb­be­li­ke kind on­der my dak as straf ge­bruik is.

Sy mag nie dié aand na Droom­oog saam­ge­luis­ter het nie.

Tot van­dag toe sê dié kind: Dáár­die ene was die erg­ste straf ooit; die laag­ste hou denk­baar.

Die Diep­gra­wers is ’n erd­fa­mi­lie wat uit ses le­de be­staan — Ou­ma S­mak­kie, Pa Vas­gryp, Ma Uil­ver­skrik en ’n drie­ling: Droom­oog, Wit­stert en S­noe­tie.

Die fa­mi­lie­stam­boom van die Diep­gra­wers is voor in die boek ge­druk so­dat ’n mens kan kop­hou wie is wie.

Die an­der erd­fa­mi­lies maak al hoe meer snuf­fel­praat­jies oor die Diep­gra­wers, ve­ral om­dat hul­le al­ler­han­de on-erd­se din­ge aan­vang.

Dan doen Droom­oog een nag iets wat geen op­reg­te erd ooit mag doen nie en die Diep­gra­wers kry ’n vrees­li­ke straf.

Die beeld­ge­bruik in die boek is kleur­ryk en die woord­spe­ling vlym­skerp.

Om­dat die er­de nag­die­re is, hoor ’n mens by­voor­beeld hoe een vir die an­der sê: “In my nag des le­wens het ek nog nie so iets aan­skou nie . . .” of “Dit sal die nág wees . . .”

De Vil­liers sê ag­ter in die boek hy is al van kleins af gek oor die­re­sto­ries.

Met die skryf van Droom­oog Diep­gra­wer het een van sy oud­ste dro­me waar ge­word – die droom om deur sy eie die­re­sto­rie dan­kie te sê vir al die die­re­sto­ries wat sy le­we op so­veel vlak­ke ver­ryk het. Hoe mooi is dít nou nie ge­stel nie?

Ek het oor die ja­re ag­ter­ge­kom daar is se­ke­re boe­ke wat net een­vou­dig by kin­ders vas­steek.

Van an­der ver­geet hul­le gou. Droom­oog Diep­gra­wer is ’n ont- hou-boek om ver­skeie re­des.

Maan­de na­dat ons die boek klaar ge­lees het, het my kin­ders een­dag woes ba­klei. Ewe skie­lik het een hui­lend ge­skree: “Jul­le maak al­tyd as­of al­les my skuld is! Jul­le laat my al­tyd soos ’n niks­werd-bang­stert voel!”

Ek was kort­ston­dig be­ïn­druk deur die jong man se woor­de­skat, tot­dat ek ont­hou het dat dit ’n sin uit Droom­oog Diep­gra­wer is wat ie­wers vas­ge­steek het. Wys jou net . . .

Newspapers in Afrikaans

Newspapers from South Africa

© PressReader. All rights reserved.