Oakdalers in SA muurbalspan
Tien muurbalspelers van Oakdale het vanjaar SWD-kleure in muurbal verwerf, waarna hulle aan die SA Plattelandtoernooi in Bloemfontein deelgeneem het. Jan-Ernst Brink is as o.19reserwe in die SA Plattelandspan opgeneem en Christie van Greunen, Machs Halbich, Henu Pretorius, Zander Raubenheimer, Wian Potgieter en Luardt Burger (reserwe) in die o.16 SA Plattelandspan. Hierdie leerders sal in die Junievakansie aan die interprovinsiale toernooi in Oos-Londen deelneem. Agter, van links is Wian Potgieter (George), Luhardt Burger (Hartenbos), Jandré van Zyl (George), Zander Raubenheimer (Stilbaai), Rikus van Zyl (George) en Machs Hälbich (George). Voor: Henu Pretorius (George), Christie van Greunen (George), Jan Ernst Brink (Oudtshoorn) en Roedolf Robertso (Sedgefield).