Hoekwil-padwedlope Saterdag

As jy hou van die rustigheid van 'n plaasomgewing, is die Hoekwil-padwedlope op Saterdag 19 Mei net die ding vir jou.

Dié padwedlope begin om 08:00 en eindig by die NG Kerk Die Vleie en val saam met hul gewilde kerkbasaar.

Vir die ernstige atlete is daar 'n 10 km en 21 km-padwedloop om van te kies, maar die minder ernstige drawwers kan aan 'n 2 kmpretloop deelneem. Die pretdrawwers spring om 08:15 weg.

Cape Multisportklub Eden is die gasheer. Inskrywingsgeld vir die 10 km is R55 en R65 vir die 21 km. Vir R20 kan jy aan die pretdraf deelneem. Inskrywings kan tot Vrydagmiddag by Top Gear Sport in George gedoen word, maar laatslapers kan nog Saterdagoggend tot voor die wedloop inskryf.

Die dag word aangevul met 'n kerkbasaar met 'n groot verskeidenheid lekkernye te koop en heerlike boeremusiek.

Vir navrae bel Gerrit du Toit van Cape Multisportklub Eden by 072 282 7995.