Nederland wink vir hip-hoppers
Leerders van Laerskool George-Suid wat tydens die vakansie aan die
SA Hip Hop Unite-kampioenskappe in Kaapstad deelgeneem het, het as deel van hul onderskeie dansgroepe van die Dynamic Dance Academy, besonder goed presteer. Shani, Anica, Janél en Karli het met goud gekwalifiseer vir federasie kleure en Misha, Ruben en Kayla het met goud vir Protea-kleure gekwalifiseer. Hierdie dansgroepe het almal gekwalifiseer om Suid-Afrika by die hip-hop wêreldkampioenskappe in Leiden, Nederland te gaan verteenwoordig vanaf 16 tot 20 Oktober. Agter, van links: Kayla van der Hyde, Ruben Volschenk en Annika Grobler. Voor: Misha Kruger, Janél Hugo, Karli Nell en Shani Jacobs.