Bezuidenhout tops in Winter Classic-toernooi
Jannie Meyer
Gerrie Bezuidenhout het Saterdag topgholf gespeel en Dolphins Creek-gholfklub naby Groot-Brak se gewilde jaarlikse Winter Classic met 89 punte gewen.
Bezuidenhout was duidelik baie ingenome toe hy die wisseltrofee in ontvangs geneem het.
Die Winter Classic is een van die hoogtepunte op die klub se kalender en heelwat spelers het opgedaag om hul slag in die toernooi te wys.
Die donderweer te spyt het die deelnemers koelkop gebly en alles uitgehaal om hul beste voetjie voor te sit.
Frik Uys (92 punte) was die naaswenner met Willem Alberts (92) derde en Japie
Genis (94) in die vierde plek van die medaljekompetisie.
2 Club-wenners was Gys Genis, André Barnard, Dolf Groenewald, Willem Alberts en Frik Uys.
In die vorige dag se weeklikse Meatrun- kompetisie het Ben Erasmus (21 punte) gewen met Johan Hamman (18 punte) as die naaswenner.