Die arbeid is swaar, maar soet is die vrugte!
Dis daardie tyd van die jaar: leerders moet rekenskap gee van jare se sit op skoolbanke. Alles klont saam in hierdie drie of vier weke. Dis die matriekeksamen.
Die onderwysers gaan versigtig optimisties toekyk of hul leerders opgewasse is vir die taak wat nou op aangepak moet word.
Hulle het moedig hul taak gedoen. Soos ’n collage het elkeen van hulle ’n onderdeeltjie bygevoeg tot die geheel wat nou op die punt staan om die lewe daarbuite te betree.
Ouers en familielede wat jare lank hul verantwoordelikheid nagekom het om hul kind toe te rus vir die lewe, gaan aanmoedig en alles moontlik doen om hul kinders se taak draagliker te maak.
Dis ’n senutergende dperk.
Helaas, wentel alles om jou, die student. Jy moet die wilskrag openbaar om sukses te behaal, om alles in die stryd te werp sodat jy sukses kan smaak.
Jy het twee opsies: Geen of sommer so voorbereiding vir die belangrike eksamen en jy gaan ’n sommerso-uitslag behaal. En jou selfbeeld kry ’n geweldige knou.
Die tweede opsie: doelgerigte voorbereiding, tydelike afsterf van die televisie, rondloop, naweke van jolyt en ty- kattemaai.
Hierde intense studie gaan en sal die knoop deurhaak vir jou.
Sukses gee groter selfvertroue en ’n bydra tot ‘n positiewe selfbeeld.
Wees ook bewus ons gemeenskap se hoop en gebede wat julle vergesel.
Julle het ’n massiewe taak om eendag ons leiers te word, om te sorg vir jul sukkelende ouers en familielede en rolmodelle te word vir baie van ons rigtinglose jeugdiges.
Hierdie is ’n unieke geleentheid om ’n stewiger plekkie te studeer in die lewe. Geleenthede gaan kom. Berei nou voor om dit te benut.
Sterkte.