OOS OOOS OF WES, BLESB WAS BES

Nie eens ’n reu­se-skan­daal kon dié san­ger se ge­wild­heid demp nie

Huisgenoot 100 - - Nuusgenoot -

‘KEN jy hier­die man?” vra ’n op­skrif op 5 Junie 1986 in Huis­ge­noot. Hy is die 39-ja­ri­ge be­stu­ren­de di­rek­teur van ’ n in­ge­ni­eur­s­on­der­ne­ming in die Vaal­drie­hoek. Hy het ’n wye, wit glim­lag en kry glo so ’n Ier­se huil­klan­kie in sy stem wanneer hy sing. Sy naam is Bles B­rid­ges. Sang is vir hom ’n lief­destaak, ver­tel hy. Die keer­punt in sy lewe het ge­kom toe maag­kan­ker by hom ge­di­ag­no­seer is. In die hos­pi­taal het hy die He­re be­loof dat as hy ge­sond word, hy sal sing en­die geld vir lief­da­dig­heid gee. Som­mer sy tweede plaat al ver­werf goue sta­tus.

In die tyd­skrif van 5 November 1987 ont­moet ons sy vrou, Le­o­nie, en hul t­wee kin­ders, Su­net­te en Vic­tor. “Ons praat, eet, leef en sing liefde,” ver­tel die ge­sin. Bles ont­hul dat Le­o­nie die li­rie­ke van die mees­te van sy lied­jies skryf. “Sy weet hoe ek voel en wat ek wil sê.” Hul­le is al by­na 20 jaar ge­troud. “Ek is ’ n man wat van kle­re hou,” ver­tel Bles in die tyd­skrif van 30 Maart 1989. Hy het min­stens 75 hem­de, 50 paar skoe­ne en ’n klomp baad­jies.

Op sy kon­ser­te stap hy graag sin­gend deur die ge­hoor en deel ro­se aan die vroue uit. “My ge­heue is on­ge­loof­lik,” sê hy. “As ek my oë toe­maak, kan ek vir jou sê wat­ter da­mes het by my kon­ser­te in die voor­ste ry ge­sit.”

Dan tref die nuus die land: Bles het ’n af­fair met Ma­rie­tjie van Heer­den, ’n ge­trou­de vrou van Car­le­ton­vil­le met ’ n krul­le­ri­ge bos ha­re. Ma­rie­tjie is 10 jaar jon­ger as hy.

Huis­ge­noot word oor­val deur brie­we van Bles se ver­ont­waar­dig­de aan­han­gers. Hoe kan jy dit aan Le­o­nie – en aan ons – doen?

In Huis­ge­noot van 9 Augustus 1990 stel Bles sy kant van die saak. “Le­o­nie was die e­nig­ste vrou in my lewe, 22 jaar lank – tot ek Ma­rie­tjie ont­moet het.” Dit was by een van sy ver­to­nings. “Toe ek Ma­rie­tjie die eer­ste keer sien, het sy ’n rok aan­ge­had met ska­ke­rings­van­groen, blou­e­nam­ber­pers­blom­me.”

Die pyn om vir Le­o­nie te sê hy wil skei, was vir hom ’n nag­mer­rie. “Hon­der­de ke­re het ek op my knieë ge­gaan,” sê hy. T­wee maan­de la­ter gaan be­sweer Bles sy hart­seer saam met Ma­rie­tjie op die Sey­chel­le-ei­lan­de.

In Huis­ge­noot van 11 Ok­to­ber po­seer die t­wee saam op ’n wit ei­land­strand in hul swem­kle­re, glim­lag­gend in ’n om­hel­sing. Ma­rie­tjie het blom­me in haar ha­re en om Bles se nek skit­ter ’n goue ket­ting.

’n Paar dui­send ki­lo­me­ter daar­van­daan sit Le­o­nie met haar hart­seer op vaal Ve­ree­ni­ging na­by die Vaal­dam. “Ek bid nog steeds vir ’n ver­soe­ning, want in die He­re se oë is al­les moont­lik,” sê sy in ’n ar­ti­kel in die tyd­skrif van 25 Ok­to­ber 1990.

Bles kom toe nooit tot skei nie en trou nooit met Ma­rie­tjie nie. Kort ná die ei­land­va­kan­sie trek hy weer by Le­o­nie in.

Le­o­nie is ook by hom in die mo­tor toe hy een nag laat van ’n kon­sert op Hartswater af te­rug Ve­ree­ni­ging toe ry. Net bui­te Bloem­hof loop die mo­tor van die pad. Bles is op slag dood, Le­o­nie is be­seer en der­dui­sen­de men­se is in rou. Hy was maar 53 jaar oud. InHuis­ge­noot van 6 A­pril 2000 ver­tel Le­o­nie van haar liefde vir hom. “Hy het my nooit anders as ’n da­me be­han­del nie. Hy was ’n man wat my vrien­din­ne my al­mal be­ny het.”

’n Week la­ter be­skryf Huis­ge­noot Bles se be­graf­nis. Meer as 1 500 men­se daag vir die diens op. Daar is so­wat 10 000 ro­se, en voor sy kis die aar­de in sak, word ’n swerm dui­we los­ge­laat.

Ma­rie­tjie word nie in die kerk of by die be­graaf­plaas op­ge­merk nie.

Ja­re la­ter, in 2016, spoor Huis­ge­noot haar weer op waar sy in Kaap­stad woon, nou ’n bru­net en weer ge­troud. Sy het met haar lewe aan­ge­gaan, ver­tel sy, maar is spyt oor niks. “Ek was baie, baie lief vir Bles.”

Newspapers in Afrikaans

Newspapers from South Africa

© PressReader. All rights reserved.