Huisgenoot Beste Resepte: Braai
THAISE VARKTJOPS
“Rooikerriepasta en klappermelk is tipiese Thaise bestanddele en sorg vir ’n heerlike varkvleis-marinade,” sê Chu Suwannapha, wat van dié Oosterse land kom. “Ek hou van tropiese vrugte saam met my kos en daarom het ek pynappel by die tjops gekies.”
10-15 ml (2-3 t) Thaise rooikerriepasta
½ blik (200 ml) klappermelk
5-10 ml (1-2 t) sojasous
5-10 ml (1-2 t) suurlemoensap
GENOEG VIR
4MENSE Bereiding 10 minute Marineertyd 15 minute Braaityd 15-20 minute
15 ml (1 e) gekapte koljanderblare
4 varklendetjops
1 pynappel, met stronk vars koljanderblare vir oorsprinkel (opsioneel)
1 Meng die kerriepasta met die klappermelk en geur met die sojasous en suurlemoensap. Roer die koljanderblare by.
2 Pak die tjops in ’n bak en giet die kerriemengsel oor. Laat 15 minute marineer.
3 Braai die tjops 15-20 minute op warm kole tot net gaar maar nie droog nie.
4 Sny die pynappel in kwarte met stronk en al en braai die kwarte tot net effens geskroei. Sny die vleis los van die skil en sit voor saam met die tjops. Sprinkel vars koljanderblare oor indien verkies.
CHU SUWANNAPHA KAAPSTAD, WESKAAP