Huisgenoot Beste Resepte: Braai
PEKELHOENDER OP BIER
PEKELMENGSEL
125 ml (½ k) sout 1 kaneelstokkie
(opsioneel) 1 suurlemoen se skil,
gerasper
GENOEG VIR
4 MENSE
Bereiding 20 minute Staantyd
1 uur of oornag Braaityd
1 uur
2 lourierblare HOENDER
1 heel hoender olie paprika na smaak 1 blik (340 ml) bier
1 Pekelmengsel Meng die sout met genoeg water om die hele hoender te kan bedek. Voeg die kaneelstokkie (indien verkies), suurlemoenskil en lourierblare by.
2 Hoender Plaas die hoender in ’n niemetaalbak en giet die pekelmengsel oor. Laat verkieslik oornag of minstens ’n uur in die yskas staan.
3 Druk die hoender droog en vryf in met die olie en paprika. Giet ’n bietjie van die bier uit (of neem ’n slukkie!) en plaas die hoender op die oop bierblikkie. Plaas die blikkie met die hoender daarop versigtig op die rooster. Bedek die hoender met ’n vel tinfoelie sodat die hitte beter behoue bly en braai sowat 1 uur op die kole tot goudbruin buiteom en gaar. Jy kan die hoender ook in ’n ketelbraaier gaarmaak.