FALLEN

2016. 88 min. 13G. Romantiese fantasie. R139*. Lucinda Price (Addison Timlin) word vir ’n seun se dood verkwalik en na ’n kosskool vir probleemtieners gestuur. Sy raak aangetrokke tot ’n medeleerder (Jeremy Irvine), maar kort voor lank neem sake ’n donker wending en word sy in ’n paranormale liefdesdriehoek vasgevang. Vergeet van sexy vampiere; in hierdie rolprent, gegrond op Lauren Kate se reeks blitsverkoperboeke, voer engele die botoon. Die storie is veels te voorspelbaar en dis dieselfde ou resep van ’n kêrel wat ’n meisie ontmoet. Maar as jy hou van rolprente vir jong volwassenes soos die Twilight-reeks, sal jy dit dalk geniet. – LARA ATSON