SUURLEMOENKOEK
LEWER ’N GROOT DRIELAAGKOEK Bereiding: 20 min. Kook: 15 min. Bak: 25 min. KOEK 230 g sagte botter 500 ml (2 k) strooi
suiker 6 groot eiers, geskei 15 ml (1 e) bakpoeier 750 ml (3 k) gesifte
koekmeel ’n knippie sout 180 ml (¾ k) melk SUURLEMOENBOTTER 125 ml (½ k) botter 180 ml (¾ k) suiker 6 groot eiergele 2 suurlemoene se sap SJOKOLADEGANACHES 200 g donkersjokolade, in stukkies gebreek 250 ml (1 k) suurroom AFRONDINGA
vars granaatpitte Voorverhit die oond tot 180 °C. Bespuit drie 20 cm-koekpanne met kossproei, voer uit met bakpapier en bespuit weer.
1 Koek Verroom die botter en strooisuiker in 'n staanmenger tot lig en romerig, voeg die eiergele by en klits goed tot goed gemeng. (So nie, gebruik 'n elektriese handklitser.)
2 Sif die droë bestanddele saam; vou afwisselend met die melk by die bottermengsel in.
3 Klits die eierwitte styf; vou by die bottermengsel in.
4 Verdeel tussen die drie koekpanne, skud die lugblasies uit en bak 20-23 min. tot 'n toetspen skoon uit die koek kom. Keer uit en laat afkoel.
Suurlemoenbotter
Plaas al die bestanddele in 'n glasbak oor 'n kastrolletjie met kookwater; verhit sowat 15 min. Roer gedurig tot die mengsel verdik. Laat afkoel.
6 Ganache Plaas die sjokolade in 'n glasbak; mikrogolf op hoog tot gesmelt. Roer elke 10 sek. Voeg die suurroom by; roer tot glad.
7 Afronding Plaas 'n koeklaag op 'n bord, smeer suurlemoenbotter oor en plaas nog 'n koeklaag boop. Smeer weer met suurlemoenbotter; plaas die laaste koeklaag bo-op.
8 Smeer sjokoladeganache en 'n bietjie suurroom oor die boonste koeklaag; sprinkel die granaatpitte oor.