SPINNEKOP- EN INSEKBYT
Ons almal reageer verskillend wanneer goggas soos vlooie, muskiete en luise ons byt. Dit kan wissel van ’n ligte irritasie tot ’n mediese noodgeval. Muskiete kan byvoorbeeld malaria oordra. Wanneer iemand ’n hewige reaksie het en sukkel om asem te haal, soos ná ’n bysteek of ander insekaanval, kan jy die persoon help om sy medisyne (antihistamien) te neem.
Jy moet die angel en gifsakkie uit die
vel probeer skraap. Moenie dit met jou vingers of ’n haartangetjie druk nie, want jy kan so nog gif in die beseerde persoon se bloedstroom laat beland.
Ná ’n spinnekopbyt kan jy die bytplek skoonmaak en ’n yspak gebruik om die pyn te verdoof. Hou die liggaamsdeel laer
as die hart om die gif se verspreiding te verlangsaam. Kry mediese hulp, veral as spierkrampe begin.