Los uit jou maat se foon!

Was jy al in die ver­soe­king om na jou maat se pri­vaat bood­skap­pe te loer? Dit kan jou ver­hou­ding baie ska­de doen

Huisgenoot - - Inhoud - Deur VIDA LI-SIK

STEL jou dit voor: Jou le­wens­maat gaan stort. Jy sit op die rus­bank en sy sel­foon lê op die kof­fie­ta­fel. Jy ken sy wag­woord. Net ’n paar tik­kies en jy kan na sy e-pos­se en teks­bood­skap­pe loer. Sal jy dit doen? As jou ant­woord ja is, is jy nie al­leen nie. Vol­gens ’n B­rit­se stu­die het 34% vroue – en ’n ver­bys­te­ren­de 62% mans – er­ken hul­le het al son­der hul maat se me­de­we­te deur hul sel­foon ge­gaan.

Sê nou jy is die een wat jou sel­foon op die kof­fie­ta­fel ge­los het en jy be­trap jou maat ter­wyl dié deur jou bood­skap­pe gaan, hoe sou jy voel?

In die­self­de stu­die het by­kans ’n der­de van die men­se ge­sê hul­le sou dit oor­weeg om die ver­hou­ding te be­ëin­dig as hul­le ag­ter­kom hul maat het son­der toe­stem­ming na hul teks­bood­skap­pe, e-pos­se en bood­skap­pe in die so­si­a­le me­dia ge­loer.

Jy is dalk in die ver­soe­king om te snuf­fel, selfs al het jou maat nie ver­dag op­ge­tree nie, soos om die skerm weg te steek wan­neer teks­bood­skap­pe ge­stuur word of om op­roe­pe skie­lik te be­ëin­dig. Jy dink jy ver­trou haar. Maar wan­neer haar foon net daar lê en jy kan vin­nig loer, jeuk jou vin­gers om dit op te tel.

Voor jy dit doen, stop en vra jou­self hoe­kom jy wil snuf­fel, sê Pier­re de Vil­liers, ’n be­ra­dings­te­ra­peut van Four­ways, Jo­han­nes­burg. “Die oom­blik dat jy die foon op­tel en bood­skap­pe na­gaan, vra jou­self of jy lief­de­vol op­tree en of jy jou maat po­li­si­eer,” sê hy.

“Hoe­wel jy nie skul­dig hoef te voel as jy dit een keer doen nie, moet jy be­sluit wat­ter soort ver­hou­ding jy wil hê as dit ’n ge­woon­te sou raak.”

As men­se in ’n ver­hou­ding skelm­pies in me­kaar se goed snuf­fel, dui dit op ’n ma­te van wan­troue. “Seer­kry uit die ver­le­de of er­va­rings ty­dens die groot­word­ja­re waar on­trou­heid die norm was, kan jou ver­trou­ens­ver­moë be­ïn­vloed,” sê Pier­re. “Maar el­ke mens het ruim­te en pri­vaat­heid no­dig. Dit kan druk op die ver­hou­ding plaas as jy jou maat nie dié goed gun nie.”

Dit geld vir al­bei. Jy be­hoort ook nie on- ge­mak­lik te voel om jou sel­foon op ’n plek te los waar jou maat toe­gang daar­toe het nie, sê Ju­dy Rams­den, hoof van be­ra­ding by die Fa­mi­ly Li­fe-sen­trum in Park­wood, Jo­han­nes­burg.

As jy in ’n ver­hou­ding is waar spi­oe­na­sie die e­nig­ste ma­nier is om uit te vind wat jou maat doen, het jul­le ’n pro­bleem. Maar as jy in ’n ge­son­de ver­hou­ding is en iets wil weet, moet jy net vra. As jy nie dit kan doen nie en voel jy moet skelm on­der­soek in­stel, moet die ge­vaar­lig­te flik­ker. ’n Ge­snuf­fel is om ver­skeie re­des ’n sleg­te i­dee.

1 DIT KAN DIE VER­TROUE TUS­SEN JUL­LE HEEL­TE­MAL ON­DER­MYN

’n Deur­soe­ke­ry het sel­de ’n po­si­tie­we uit­koms. Dit kal­we aan die lief­de en ver­troue wat die grond­slag van ’n goeie ver­hou­ding moet wees.

Jy gaan waar­skyn­lik ook nie veel wys word deur te snuf­fel nie, sê Ju­lie Hol­land, ’n siel­kun­di­ge van New York en skry­wer van Moody Bit­ches: The Truth a­bout the Drugs You’re Ta­king, the Sleep You’re

Mis­sing, the Sex You’re Not Ha­ving and W­hat’s Re­al­ly Ma­king You Cra­zy.

“Jou le­wens­maat kan al­tyd ’n an­der e- pos­a­dres hê of teks­bood­skap­pe en e-pos­se ge­skrap het. Jy gaan nie nood­wen­dig vind waar­na jy soek nie, maar jy krap ’n mier­nes oop wat ver­troue en in­ti­mi­teits­kwes­sies be­tref.”

As jy ver­moed jou maat is on­trou, is dit die bes­te om dit o­pen­lik en eer­lik te be­spreek. “Om in jou ver­hou­ding speur­der te speel, kan ui­ters ska­de­lik wees,” sê Ju­dy.

2 JY WORD DIE ONBETROUBARE EEN

Die oom­blik dat jy rond­krap, wys jy in­der­waar­heid dat jy die een is wat nie ver­trou kan word nie. Jy skend jou maat se pri­vaat­heid as jy son­der toe­stem­ming sy of haar bood­skap­pe of e-pos­se lees.

“Jy re­spek­teer jou maat se pri­vaat­heid wat ge­wo­ne pos be­tref en sal dit nie oop­maak nie. Jy moet die sel­foon net so han­teer,” sê Ju­dy.

“As ’n ver­hou­ding op ver­troue ge­bou is, be­hoort daar nie ’n be­hoef­te daar­aan te wees om me­kaar se teks­bood­skap­pe na te gaan of die an­der een se foon te ant­woord nie.”

3 DIT SPRUIT UIT GIFTIGE EMOSIES

Wan­neer jy snuf­fel, re­a­geer jy van­uit ’n plek van vrees, twy- fel, on­se­ker­heid en wan­troue. Jy er­vaar dalk met goeie re­de dié emosies, maar dit maak dit nie ou­kei nie.

As jy die be­hoef­te het om te snuf­fel dui dit bloot daar­op dat pro­ble­me in jul ver­hou­ding be­staan wat jy nie o­pen­lik met jou maat be­spreek nie. Dit be­te­ken ge­woon­lik dit knaag aan jou, pleks daar­van dat jul­le dit op­los.

Wees eer­lik daar­oor as jy sterk kan aan­voel iets skort in die ver­hou­ding, maar son­der om ag­gres­sief te wees of jou maat aan te val.

Sou die ge­snuf­fel spruit uit jou eie on­se­ker­heid, is dit ook iets waar­oor jul­le moet praat. Dit is ook moont­lik dat jy so op­tree weens ja­loe­sie wat nie op fei­te ge­grond is nie.

4DIT KAN VERSLAWEND RAAK

Blo­te nuus­kie­rig­heid is een ding, want dit is heel­te­mal na­tuur­lik om te won­der oor wat in jou maat se le­we aan­gaan.

Maar as jy in die ver­soe­king is om te snuf­fel om­dat jy ’n kna­en­de ge­voel het iets is nie pluis nie, gaan jy waar­skyn­lik op ’n on­ge­son­de ma­nier daar­mee be­hep raak om jou maat se foon na te gaan.

Dit dui op ’ n ver­hou­ding wat in die moei­lik­heid is. Jy moet mooi gaan na­dink oor die ver­hou­ding, uit­pluis wat jou pla en dit met jou maat be­spreek.

Newspapers in Afrikaans

Newspapers from South Africa

© PressReader. All rights reserved.