PROTEOÏDE
Die pragtige verskeidenheid proteas is die blomplante wat die meeste met fynbos verbind word. Dié blomme is na die Griekse
god Proteus genoem wat in verskeie vorms kon verskyn. Suid-Afrikaners is so trots op hierdie mooi proteablomme dat ons nasionale krieketspan na hulle genoem is. Het jy al ooit mooi na die embleem van ons Proteaspan gekyk? Jy sal sien dit beeld die koningsprotea, ons nasionale blom, uit.
Ons proteas behoort tot die familie Proteaceae, wat hoofsaaklik in die Suidelike Halfrond voorkom. Ons is nie die enigste land wat ’n sportspan na dié blomfamilie genoem het nie. Die Waratahs, ’n Australiese rugbyspan van Sydney in Nieu-Suid-Wallis, is genoem na Telopea speciosissima, wat ook ’n lid van die plantfamilie Proteaceae is. Maar Suid-Afrika spog met sowat die helfte van alle soorte plante van dié familie. Ander voorbeelde van die verstommend groot verskeidenheid kleurryke Proteaceae sluit in die bergbruidjies ( Serruria florida), die asemrowende speldekussings ( Leucospermum) en die keëlbosse ( Leucadendron). Proteas en ander fynbosplante is aangepas p vir veldbrande. Hulle het vuur nodig om hul lewensiklus te voltooi. Die vlamme verbrand die dooie plantmateriaal m en plaas so voedingstowwe terug te in die grond. Die kwaai hitte laat die di sade oopgaan en maak ondergrondse gr bolle wakker sodat dit begin groei. gr Nie lank ná ’n veldbrand nie is die landskap weer pragtig bedek met nuwe fynbos. Jy sal verstaan dit is nie altyd goed as brandbestryders die vlamme blus nie. n Maar dis moeilik vir ons mense om o ’n brand sy gang te laat gaan, want mense kan sterf en eiendom kan vernietig word. Hoe dink jy moet ons die nodige brande hanteer? Dalk kan beheerde veldbrande v vir die fynbos werk.