BEIJING-SKOLE WEER GESLUIT NÁ NUWE CORONAVIRUS-INFEKSIES

Kort nadat die Chinese regering hul inperkingsmaatreëls weens die coronaviruspandemie verslap het, moes hulle weer strenger maatreëls in die hoofstad, Beijing, instel. Skole is gesluit en mense is gevra om van die huis af te werk nadat byna 200 mense in ’n bietjie meer as ’n week positief getoets het vir die virus wat covid-19 veroorsaak. Beijing het die verspreiding van die virus tot dusver grootliks vrygespring sedert die eerste uitbreking in Januarie vanjaar in ’n ander Chinese stad, Wuhan.