UMYENI AKAFUNI NOKUKHANDA USINKI EKHAYA
UMBUZO: UMYENI usebenzela kude nasekhaya, nginezinsolo zokuthi kukhona athandana naye eceleni ngoba unomkhuba wokuvele athule nje izinsuku engangithinti ngocingo.
Ngisho ebuyile, ekhona-ke ekhaya akasafuni ukwelekelela ngemisebenzi yasemzini wethu. Ngike ngathenga usinki wamanzi ngase ngimcela ukuba angisize siwufake, wavele walimisa ngesihloko elokuthi akafuni. Cha, kangisazi ukuthi muzi muni lona engiwakhayo la.
IMPENDULO: SIYAKUZWA dadewethu futhi sizwelana nawe kepha ngibona ukuthi ngaphambi kokuba uchithe amanzi ake umqonde ngqo umbuze uzwe kuye ukuthi yini inkinga yakhe ngoba uzothola ukuthi inkinga oyikhomba kude iseduze futhi ingalungiseka. Kuyingozi ukuqagela nokuhlawumbisela nokusola, mqonde.