ITJOVITJO IZOMISA KABI EMINYE IMIDLALO
MANGIBONGELE abakhiqizo bomdlalo kamabonakude, itjovitjo, okhonjiswa esiteshini sikamabonakude ISABC 1 njalo ngesonto ngehora lika-8 ebusuku.
Phela imibiko ithi lo mdlalo udonse amehlo ezinkumbi zabantu futhi usematheni kuyo yonke indawo. Kuleli sonto ibroadcast Research Council of South Africa iveze ukuthi lo mdlalo udonse izibukeli eziyi-5,7 million, okuyisibalo esiphezulu ngendlela engakaze ibonakale ezinhlelweni zikamabonakude kulesi siteshi.
Lo mdlalo ubusukhangiswe isikhathi esijana impela njengoba cishe kungekho ongalazi itemu lakhona elithi “Tjovitjo otatalanana”, kulabo abakhonze izinhlelo zikamabonakude. Phela leli temu usulizwa kuzona zonke izindawo, ngisho nasemgwaqweni udlula uzwe abafanyana belisho.
Mangibuyele kuwona-ke uqobo umdlalo lo. Cha, esiqeshini sokuqala sikubonile abasithembise khona futhi uyathembisa ukuthi usazosivezela amathalente ahlukene kanti unjalo nje uqukethe uhlu lwabalingisi abanekhono nesipiliyoni esinzulu emidlalweni kamabonakude.
Kulabo badlali abaseqophelweni eliphezulu eliphezulu ngibala uwarren Masemola ( osesithombeni) okwazi ukungena athi khaxa kuyona yonke indawo afa-kwa kuyona, urapulana Seiphemo olingisa indawo katau emdlalweni okhonjiswa khona KUSABC 1, igen- erations: The Legacy, nabanye abaningi.
Mangisho nje ukuthi lo mdlalo ngiwubona ufakwe esikhathini esikahle lapho ungaqhudelani neminye imidlalo. Ngesikhathi ongena ngaso kakukho lutho olutheni oludlala kwamanye amachannel ajwayelekile, olungakwenza ukuba ungafuni nokushiyishintsha i-channel, ubuke wona.
Igiya oqale ngalo libukeka lingabhincisela nxanye ezinye izinhlelo uma kungukuthi uzo- qhubeka ngalo leli giya oqale ngalo.
Njengoba sengishilo, lo mdlalo uqale ngegiya eliphezulu futhi ngiyathemba ukuthi nawo ngeke uphelele emoyeni okomlilo wamaphepha njengoba kuye kwenzeke kweminye.
Sibongile kuthembisa Mdoda
Ngisekhona nje kwezikamabonakude, siyazi ukuthi izolo e-east London iqalile inhlolokhono yabafisa ukwethula uhlelo lulamabonakude oluhlala kumzansi Magic 161, i-our Perfect Wedding.
Sizokhumbula phela ukuthi ngesonto eledlule kuvele ezithi umethuli walo okhona njengamanje uthembisa Mdoda usethi khumu.
Lokhu kusho ukuthi le nkosazane sesizoyibala nalaba abalubambe lolu hlelo balubeka kwelinye izinga, kubo okukhona ubrenda Ngxoli, utumi Morake nabanye. Ngiyambongela ngokuthi uluphathe ngempumelelo lolu hlelo futhi siyazi ukuthi abantu abaningi bebemthanda.
Ngiyathemba-ke ukuthi lowo oyophumelela uyokwazi ukungena athi khaxa ezicathulweni ezishiywa yile ntokazi.
Kuyiqiniso elingephikiswe ukuthi uthembisa wenze umsebenzi omuhle.
Sengiphetha nje kungakuhle ngivale ngokuhalalisela uthando Thabethe olingisa indawo kanolwazi Buzo kwigenerations: The Legacy ngokuthola ithuba lokuba nohlelo lwakhe kwichannel ekwidstv ebizwa ngokuthi YITLC, lapho ezokwethula uhlelo lwakhe olubizwa ngokuthi “Thando Bares All” oluzoqala ukukhonjiswa kumabonakude ngonyaka ozayo.
Siyathemba ukuthi le ntokazi izokhipha amangwevu kulolu hlelo, yenze okulindelekile njengoba yenza uma ilingisa.
Nolwazi@ilanganews.co.za