OWASE-GABON UPHIKA EYOKUFUNA UKUSHIYA I-DORTMUND
UPHIKA ulala ngomhlane upierre-emerick Aubameyang wasegabon ogijima kwiborussia Dortmund yasegermany ukuthi ubefuna ukushiya le kilabhu abhekise amabombo kwichinese Super League.
Lo mdlali ubeyamaniswa namakilabhu amaningi ngesikhathi kuvulwe iwindi lokuthengwa kwabadlali muva nje. Kunamakilabhu asechina okuthiwa abemthembisa itshe lemali kwazise inkece ikhiwa ngamafosholo kwiligi yakuleliya lizwe elinomnotho ozinzile. Lo mdlali ubephinde amataniswe namakilabhu amakhulu ase- Europe okubalwa kuwona i-arsenal yase-england, iparis SaintGermain ((PSG) yasefrance ne-ac Milan yase-italy.
“Kangikaze ngizixake ngokuyodlala echina. Ngisafuna ukudlala lapha e-europe mina futhi ngiseneme ngokudlalela idortmund. Amakilabhu asechina akhombise ubuhlathi njengoba bengizwa emoyeni ukuthi ayangifuna.
Ikilabhu yami kayikaze ithole lutho olubhalwe phansi oluvela kuwona. Ngicabanga ukuthi abezigabisela nje ngemali,” kusho lo mdlali obalwa nabahamba phambili ngokuhlohla amagoli ege- rmany selokhu kuqale isizini njengoba eyivakashela ephindelela inethi.
Munye kuphela umdlalo weEnglish Premiership ozogijinywa amuhla ngesonto lapho ibrighton & Hove Albion izoshukana nenewcastle United ngo-17h00, kuthi kusasa ngomsombuluko i-arsenal idudulane newest Bromwich Albion ngo-21h00. Le midlalo izoboniswa bukhoma kwiss3. Imidlalo yespanish La Liga ehlelelwe ukugijinywa namuhla ngesonto imi kanje:- Espanyol vs Deportivo La Coruna 12h00 (SS7). Getafe vs Villarreal 16h15 (SS7). Las Palmas vs Leganes 18h30 (SS8). Eibar vs Celta de Vigo 18h30 (SS7). Real Sociedad vs Valencia 20h45 (SS7). KUSASA NGOMSOMBULUKO
Real Betis vs Levante 21h00 (SS7).