ABASEBENZAYO BANGAZITHUTHUKISA NGAMA-ONLINE COURSE
SIPHILA esikhathini esihle kakhulu lapho amandla e- internet ekwazi ukwelekelela izimpilo zethu ukuze zibe nenqubekela phambili.
Engikubalulayo namuhla wukufunda noma ukuqhuba izifundo ngokuthatha amakilasi online, okuhle nangokuthi kushibhile.
Phela manje asemaningi amacourse esesikwazi ukuwenza online ngaphandle kokuya ekilasini, ikakhulukazi uma ungumuntu osebenzayo.
I-online education yenza nokuba kube lula ukufunda ezikhungweni ezahlukene wenza nezifundo eziningi.
Ngikusho lokho ngoba nami ngenza izifundo ze-Wealth Management, yi-Financial Planning ne-Financial Markets ngazenza online ngaphansi kweUniversity of Cape Town.
Ngikalelwe isikhathi okumele ngiziqede ngazo kodwa okujabulisayo ngukuthi akudingeki ukuba ngiye eKapa ukuze ngikwazi ukubhala ama- exam ngoba nawo ngiwabhala online.
Kushibhile kakhulu kanti uthola nama- video akwelekelelayo ukuba ukwazi ukufunda nokubuza imibuzo. Kuyajabulisa ukuthi isikhungo eziningi sezinamakilasi atholakalayo na- online, okwenza impilo ibelula kakhulu kunakuqala.
Manje akekho umuntu okufanele ahlale ekhaya angafundi ngoba kushoda imali ngoba aseyatholakala amakilasi ezikhungweni zemfundo ephakeme ngokusebenzisa i- online education okuyinto eyonga imali newusizo kumuntu ongamile kahle ezimalini kanjalo nakubantu abasebenzayo abangakwazi ukuba sekilasini ngokugcwele.
Engikukhuthazayo ngukuthi masisebenzise zonke izindlela ezikhona ukuzuza imfundo ngoba iyisikhiye sempumelelo. USboniso Mtshali uyi-IT Entrepreneur | Forex Trader | Investor | Author | Financial Coach | Public Speaker. Ungaxhumana naye kanje: Mob: +2778 210 8384 Email: sboniso@afronicdata.co.za Facebook: Sboniso Mtshali