NGICELA IZINGANE ZOMA ZINGICACISELE NGENGOMA KAMADIBA

MHLELI: Kunengoma eyake yaculwa yiZingane Zoma zithi uMadiba wathi kumele kuphathe uMsholozi uma kuphuma yena. Impela le ngoma yashisa izikhotha.

Mina nabaningi sicabanga ukuthi saphunduleka ukumbona uMadiba ezikhombela ngowakhe umunwe ekhomba uMsholozi.

Leli qembu likaShobeni umfo kaKhuzwayo ake lisho ukuthi uMadiba wayesho nini? Esho kuphi? Eze esho ngoba kwenzenjani?

Nginezizathu ezingenza ngibuze le mibuzo emithathu.

Okokuqala njengoba kuhlala njalo kunezinto ezingalungile oholweni lukababa uNxamalala (Mengameli Jacob Zuma), manje ngifuna ukulumbanisa inkulumo kaMadiba nokwenzeka ngaphansi kobuholi bukaMengameli uZuma ukuthi kuhlanganaphi.

Uma kuwukuthi nazo iZingane Zoma zazibheka iphalishi lapho lingakhona, kumele zicacise hhayi ngokusenga ezimithiyo ngendoda yaseKoloni esingayazeli lutho oluphambene nomthetho.

Esho kuphi? Eze esho ngoba...