UMSUKA WALELI GAMA
Incazelo ithi leli yigama lomuntu wesilisa elivela olimini lweGaelic olwalukhulunywa yisizwe sama-Irish. Lona ngesi-Irish nguNiall, kwase kuthi ngokuhamba kwesikhathi isiNgisi salenza laba nguNeil.
Umqondo walo-ke ngokwamaIrish leli gama lisho amafu noma ushampeni kumbe ingqwele. Sibheka uNeil Armstrong eseunited States of America (USA) wodumo luka-Apollo 11 wokuya enyangeni ngowe-1969.
Owesibili naye ongowase-USA, nguNeil deGrasse Tyson ongesinye sezihlakaniphi kwezomkhathi nezinkanyezi eziphila kulesi sizukulwane. Owesithathu nguNeil Turok ongowokuzalwa eNingizimu Afrika, oyindodana kaMnu Ben Turok oke waba yilunga lephalamende.
Ngeke sazilanda zonke ngoNeil Armstrong, indoda yokuqala ukunyathela ebusweni benyanga. Kafushane nje, indaba yakhe njengoba siyilandiswa yiyiNational Aeronautics and Space Administration (Nasa), ithi wazalwa eWapakoneta e-Ohio, e-USA mhla ziyisihlanu kuNcwaba (August) 1930.
Engakabi ngusonkanyezi ubeyisosha embuthweni wekhethelo wase-USA futhi walwa ngesikhathi seMpi yaseKorea. Ngaphandle kwalokho, ubengunjiniyela kwezomkhathi ehlola izindiza ezakhiwayo ukuthi zakheke kahle yini, nokuthi yikuphi okusuke kudingwa ukuguqulwa uma kunephutha.
Wagcina esengusolwazi emkhakheni we-Aerospace Engineering e-University of Cincinnati, ngonyaka we-19711979.
Ngesikhathi engumshayeli wezindiza ozwa amanzi ngobhoko, kwakuqalwa ngaye ocwaningweni lwezindiza ezinesivinini esesabekayo, okubalwa kuzona esiwu-4000mph X-15.
Washayela izinhlobo ezingaphezulu kwama-200 ezindiza okubalwa kuzona ama- jet, amarocket, ezinophephela emhlane nama- glider (angenayo injini). Washona mhla zingama-25 kuNcwaba (August) wezi-2012.
Lena yinsizwa emnyama yaseUSA engungoti kwezesayensi yomkhathi, umbhali wezincwadi, umxhumanisi kwezesayensi. Uzalwe mhla ziyisihlanu ku- Mfumfu (October) we-1958 eManhattan, eNew York.
Ufunde ezikoleni zikahulumeni eNew York waze waphothula eBronx High School of Sicence. Emuva kwalokho ufunde waphasa wathola iziqu zeBA in Physics eHarvard University neziqu zobudokotela emkhakheni we-Astrophysics eColumbia University.
Kuthe ngowe-1996 waba ngumQondisi weHayden Planetarium kuze kuba namuhla. Ezincwadini asezibhalile kulo mkhakha, kubalwa i-Astrophysics for People in a Hurry, iDeath by Black Hole, iWelcome to the Universe, iStar Talk, i-Origins (yona ayibhale ebambisene noDonald Goldsmith), iSpace Chronicles, iThe Sky Is Not the Limit, iMerlin’s, iJust Visiting This Planet, i-One Universe, iThe Inescapable Universe: Unsolved Mysteries, iThe Pluto Files ezibuye zahunyushelwa kwezinye izilimi.
Yingcithabuchopho lena engashiywa ngaphandle kwabanemibuzo ngezimanga zikaSimakade ezenzeka emkhathini.
Nakudala ubukhona umkhuba wokuqamba ingane igama ingaziwa incazelo yalo
UNeil Godffrey Turok yinsizwa yaseNingizimu Afrika nayo ekulabo abasemkhakheni ongandele bani wama- physicist.
Uzalwe mhla zili-16 kuLwezi (November) we-1958 eGoli. Uyise