I-KINGS ILINYALELWE NGABADLALI ABAMQOKA
UBALISA ngabadlali bakhe ababili abangekho uBongani Ngidi ongumnikazi weReal Kings United ezobhekana noBuntu Cape Town koweNational First Division (NFD) ngoMgqibelo ngo-15h00 eSugar Ray Xulu Stadium, eClermont.
Abadlali beKings abazokube bengekho kulo mdlalo nguSibonelo Ntshangase oyisitobha esala ukhasha noMlungisi Mazibuko ongunozinti olimale ngesikhathi le kilabhu ihlula iMbombela United ngo-1-0 ngeledlule ekuhambeni.
UNgidi uthi nakuba begqemeke ingozi ngokungabi bikho kwalaba badlali kodwa bazimisele ngokulwela ukugcina abalandeli babo bejabule ngokwenza le nkundla kube yikwesikaMaminzela kuyona, kungabi bikho iphuzu eliphuma nezitha.
“Ngiyazi ukuthi kusesekuseni kodwa sizimisele ngokulwela ukuba sesicongweni njengoba sifuna ukunyukela esigabeni esikhulu ngesizini ezayo. Nginxusa abalandeli ukufika ngobuningi bezokhuthaza abadlali. Kuningi esikuhlelile ukubagcina bethokozile,” kusho uNgidi ojatshuliswa yizindaba zokukhombisa ukulula-
U-TINKLER NEMFIHLO YOKUGCINA U-BROCKIE
UDALULA imfihlo ngomgadli wakhe osefomini obefuna ukuhamba u-Eric Tinkler ongumqeqeshi weSuperSport United ezobhekana neZesco United yaseZambia emlenzeni wokuqala we-quarter final yeCaf Confederation Cup kusasa ngoLwesihlanu ngo-19h00 eLucas Moripe Stadium, e-Atteridgeville.
ISuperSport iya kulo mdlalo nje, isefomini njengoba ishaya kwasani ephambi kwayo. Iguqise ngo-2-0 ovuthayo iPlatinum Stars kowe-Absa Premiership ngoLwesibili ebusuku eLucas Moripe Stadium. UJeremy Brockie oshaye elinye lamagoli eSuperSport kulo mdlalo, uke waba sematheni efaka isicelo sokuhamba. Kubikwa ukuthi ubethenjiswa itshe lemali yiMamelodi Sundowns. ISuperSport inqabile ukumdedela.
UTinkler udalula imfihlo abeyigodlile ngoBrockie.
“Indlela uBrockie adlala ngayo iyangimangalisa kwamina. Useshaye amagoli amathathu emidlalweni emibili. Bengingayilindele le nto ngoba ubesho amashushu ukuhamba, ubengezwa mshini. Kodwa-ke engifuna uku- ma kukaLindokuhle “Maleveni” Mtshali abamboleke kwi-Orlando Pirates.
USoumahili Allie oyindodana kaGoolam wodumo lokuphatha iSantos, angase asayiniswe yiHighlands egencwe yizembe ngesizini edlule esigabeni esikhulu. Lo mdlali ubegijima kwiSantos ngesizini edlule ingakashoveleki kwiSouth African Football Association (Safa) Western Cape ABC Motsepe League. Isiyonke imidlalo yeNFD: NGOMGQIBELO EMthatha Stadium: Mthatha Bucks vs Witbank Spurs 15h00.
ESugar Ray Xulu Stadium: Real Kings vs Ubuntu Cape Town 15h00.
EMakhulong Stadium: Highlands Park vs Tshakhuma Tsha Madzivhandila 15h00.
E-ABSA Tuks Stadium: Pretoria University FC vs Royal Eagles 15h00.
EParow Park: Stellenbosch vs Black Leopards 15h00.
EGoble Park: Super Eagles vs Uthongathi FC 15h00. NGESONTO E-Athlone Stadium: Cape Town All Stars vs Mbombela 15h00.
EVosloorus Stadium: Jomo Cosmos vs Richards Bay 15h00. kuveza wukuthi yimina obe nesandla ekutheni angahambi.
“Abaphathi bekilabhu bese benqumile ukuthi bayamdayisa ngoba bebebona ukuthi ufuna ukuhamba kodwa ngabachitha. Ngiyilwile le mpi kwagcina mina. Bengingeke ngikwazi ukudedela lo mdlali ngibe ngazi ukuthi kuza imidlalo enzima kangakanani. Uwuhlobo lo mgadli oluhlukile, besingeke sikwazi ukuvala isikhala sakhe, besizodonsa kanzima.
“Kunenkinga enkulu yabagadli kuleli ngakho-ke lokhu onakho kufanele ukubambisise. Ngiyajabula ngoba ukhombisa ukuzinikela. Mhlawumbe ngesizini ezayo sesingabona ukuthi simisa kanjani okwamanje bengingeke phela kufanele ngiwucabangele umsebenzi wami. Uxoshwa kalula kabi ekilabhini, izikhulu kazibi nandaba ukuthi kuhambe bani zifuna imiphumela emihle,” kusho uTinkler.
Uthi umdlalo weZesco ngeke ube lula neze ngoba iyikilabhu ehlaselayo.
“Engikuqaphelile ngayo wukuthi inabadlali abaseqophelweni eliphezulu, abayinkinga uma ihlasela. Sinosuku ukuyifundisisa kodwa kayiyona incwadi evalekile, kuningi esikwaziyo ngayo," usho kanje.