Akhule ngengoma kashameni Amambeje
BAKHULISWE ngengoma kashameni abafana beqembu likamasikandi aMambeje Amahle ngenxa yokuthi bebenesiphiwo sayo nothando lokuqhakambisa amasiko kusukela ebuncaneni babo.
Kumasikandi liyaziwa kakhulu leli qembu elisungulwe nguSbongiseni Mbatha noMandla “Bhubesi” Mbatha okuyizinsizwa ezilamanayo.
Namhlanje leli phephandaba likulandisa kabanzi ngomlando walezi zinsizwa ezisencane eziyiphakamise kakhulu indawo yaKwaNibela, eMkhanyakude, enyakatho-mpumalanga yeKwaZulu-Natal - lapho zidabuka khona. Engxoxweni ekhethekile neLAN
uSbongeni uveze ukuthi yena uma ezisho ezingomeni zabo, uthi:
Inkunzi emashandashanda Ehlale beyizonda abathakathi Beth' uyofa nini umfo kaShandu. UFaka umunwe entweni maqede anuke ekhaleni,
Umshikashika wentombi elitshitshi
Maqede kuzonde izishimane,
Imali kamashonisa
Wayidla wafa isikweletu,
Umfo kalaKhiza lakhemeza izulu‚
Le nsizwa ithi ngesikhathi ise-ncane beyinamashanda (ukuqothuka kwezinwele) ekhanda ku-khombisa nokuthi izokhula kube yinsizwa eqinile ngokusho kukaninalume okunguyena owayetha lezi zihasho.
USbongiseni uthi ubeqonywa kakhulu yizintombi ezingamatshitshi, zimthandela ukugida kwakhe ngoba ubexakile KwaNibela, okuyikhona obekwenza izishimane ziphatheke kabi.
“Ingoma lena bekuyisinkwa sethu semihla ngemihla, yingakho ngithi wayidla imali kamashonisa wafa yisikweletu - ngengoma ngoba phela uma ubhekene nathi bekubanzima kakhulu,” kusho yena.
Uthi basungule leli qembu ngonyaka wezi-2006, belisungulela ushameni, kungesiyona inhloso yokuba baqophe i-albhamu. Ngaleso sikhathi bekudume ingoma kashameni yasemakhaya, kunamaqembu amaningi abeqhudelana okuyilapho benqume ukuhlangana baphemba okwabo, besizwa nguMnu Skibhasenja Mkhwanazi obeyigosa lengoma. Uthi-ke bayigidile ingoma kwaze kwathi langalimbe badla isiteki senkomo ebesibekwe yisitolo sakwaSpar ngakubo, kuqhudelana amaqembu engoma.
Utshele leli phephandaba ukuthi bese behlonishwa kakhulu ngakubo ngoba bakwazile uku
shaya wonke amaqembu angaphezulu kwangama-60 abengenelile kulo mncintiswano wakwaSpar. “Ngisho esikoleni besekusetshenziswa thina ezintweni ezithinta amasiko ngoba ebesikwenza bekuhluke kakhulu kwabanye. Kunezinkomishi ebeziwinwa esikoleni ngenxa yeqhaza lethu kwaze kwasungulwa inhlangano yamasiko kwelakithi ebizwa ngoSa- khisizwe, safika nakhona sakhonya,” kusho uSbongiseni.
"Ngonyaka wezi-2008, ubaba usikhulumele noMnu Meshack Masondo (ongasekho) weNTP Music Production, obenamaqembu ahlonishwayo kumasikandi okubalwa.
Umcele ukuba asifake ngaphansi kwenkampani yakhe ngoba usebonile ukuthi sinothando lokucula. Ngaleso sikhathi bese sifunda uGrade-10 e-Anchor Secondary School eSoweto, eGauteng. Kuthiwa UMnu Masondo uthe mabaye kuyena (uSbongiseni noMandla), ufuna ukubabona, nebala banikela kuye.
Ukhuze umhlola wathi kayikho into engaculwa yizingane ezincane kangaka.
Uthi bavele bamshayela ingoma eyodwa wathi bengabe besayiqeda ngoba usebheme wakholwa. Yilapho-ke ebathathe khona wabaqopha ngaphansi kwenkampani yakhe bakhipha i-albhamu yokuqala ethi “Isono”.
Ngonyaka olandelayo babuye ngelinye iqembu sebezibiza ngoSbongiseni noMandla, balandelisa ngaBafana baMambeje kwathi ngowezi-2012 bakhipha Amambeje Amahle athi “Enhlazatshe”. Utshele leli phephandaba ukuthi ngokuhamba kwesikhathi besekunzima ngoba ukushona kukaMnu ndo bangene kweCool yavalwa izinkampani.
“Ukunge- lweni sise- kakuzange Masongaphansi Sport nayo nezinye
na emcubancane kusipha- zamise ngoba nasesikoleni besiyizingane ezifana nazo zonke futhi othisha kuyibona abebesikhuthaza bethi asiqhubekele phambili nekhono lethu,” kusho uSbongiseni. Ngonyaka wezi-2015 bakhiphe i-albhamu ethi “oBhejane” kanti njengamanje bahlela ukubuyela esitudiyo beyoqopha umsebenzi omusha. AMambeje Amahle yiqembu eselisize kakhulu abanye abaculi namaqembu ngokubaprojusela nokuphelezela ngamaphimbo okubalwa iNdodakazi yeNtandane, uDinangwe neDlozi Elikhulu kanti uMfu Zamokwakhe “Bhaka” Nzama ubelipika leli qembu eqenjini lakhe EzikaBhaka uma kuyiwa esiteji ngenxa yobungozi balo elishiya izibukeli zibambe ongezansi. USbongiseni uthi inhloso yabo enkulu wukuphakamisa abaculi abasavelela.