IZINKANYEZI SEBASTIAN JILI
NGABE WUSUKU LWAKHO LOKUZALWA NAMUHLA?
UBUDLELWANO bakho budinga ukunakwa kakhulu. Imicabango emihle yiyona engakha isisekelo sempilo yakho?
ARIES (March 21-April 19)
KUNEZIMO lapho ubona khona ukuthi wenza amaphutha kodwa bese uyaphikelela. Okwamanje ubhekene nemicabango ekudidayo. Cubungula ngesineke noma yisiphi iseluleko esakhayo osithola kwabanye.
TAURUS (April 20-May 20)
UNGAZIZIBI nakancane izinkinga ezimayelana nezothando kodwa zama ngawo wonke amandla ukuziqonda. Uma wenza izinto ngokunganaki, usengcupheni enkulu yokugxekwa.
GEMINI (May 21-June 21)
UNGAZITHATHI izinto ngamawala ngoba ungalimala kakhulu. Uzozinika isibindi emsebenzini okumele uwufeze. Okwamanje uyalala uyaphenduka ucabanga amaqhinga okwenza imali.
CANCER (June 21-July 22)
KUBUKEKA zizogqama izithelo zokukhuthala kwakho. Kasikho isidingo sokugxila emicabangweni engakuyisi ndawo. Ungayivumeli imizwa ikuholele kulokho okuphambene nonembeza wakho.
LEO (July 23-August 22)
UZOBONA sengathi uthando lwakho luba yilesi simo olubuka luyisona. Uzophoqeka ukusebenza ngokuzikhandla ukuze ungasaleli emuva. Uyazama ukulandela eminye imigudu efanele ukuze uzosizakala ngokushesha.
VIRGO (Augt 23-Sept 22)
IMPILO yakho inezidingo eziningi kakhulu ezahlukene okudala ukuba ubenomqondo ombaxambili kulokho okumele uqale ngakho. Ungakwazi ukuhlela okuningi ngenxa yokuphumelela kwezinye izinhlelo ngendlela obungayilindele.
LIBRA (Sept 23-Oct 22)
KUNGAKUHLE uqhubeke lapho obugcine khona kweminye imikhankaso yakho engakadlulelwa yisikhathi. Ukubheka ngqo kulokho okumqoka kuzokwenza ukuba usizakale.
SCORPIO (Oct 23-Nov 21)
UMQONDO wakho uzolangazelela ukubumba izinhloso ezintsha empilweni. Kuzokudinga ukuba seduze nabantu obonayo ukuthi bangakudlondlobalisa okuhambisana namakhono akho.
SAGITTARIUS (Nov 22-Dec 21)
IMIBONO obunayo esikhathini esedlule kumele uyisebenzise kakhulu manje. Kugweme ukuthembela kakhulu komunye umuntu kodwa uzethembe wena.
CAPRICORN (Dec 22-Jan 19)
UZOGQUGQUZELEKA kakhulu ngokubonayo kwenzeka. Ezinye izinselelo obhekana nazo uma nje unokuzethemba, ngeke zibe namandla ngaphezu kwakho.
AQUARIUS (Jan 20-Feb 18)
UKWENZA izinto ngesikhathi kungakunika elinye ithuba elihle lokusebenzisa ikhono lakho. Uzongena emigudwini emqoka kakhulu ezokwenza ugcine uzethembe kakhulu.
PISCES (Feb 19-March 20)
NGALE sikhathi uba namathuba amaningi okusebenzela inzuzo. Umqondo wakho umumethe imibono eminingi eyahlukene. Zifundise ukuba neqiniso njalo ebudlelwaneni bakho.