Mini emnandi ANC yize unuka inkohlakalo

MHLELI: Ngithi halala kwiANC egubha iminyaka engu105 yaba khona emhlabeni.

Asiwubongele umbutho wabantu owasikhulula emaketangeni obandlululo thina bantu ababecindezelwe.

Njengoba uKhongolose uzobe uhlangene e-Orlando Stadium eSoweto, ngithi ake abaholi bakhumbule ukuthi babekelwani.

Ukugodola ukuya eFNB Stadium kuyizinkomba zokuthi abantu bayaqhela embuthweni futhi izizathu ziyaziwa.

Abantu okumele ngabe benza i-ANC ithandeke kubantu bahambela phezulu, bazinakele ukuzicebisa bona bangabise nangomnotho wabo.

Igama le-ANC lingcoliswe inkohlakalo nokukhwabanisa. Yize kunjalo sithi, imini emnandi kuyo njengoba ihlanganisa u-105 weminyaka. Vusi Khumalo HAMMARSDALE