Intatheli yezezimoto kwawomlando
INGASE ingene emabhukwini omlando eGuinness World Records intatheli yezezimoto yeThe Star, uJesse Adams ngoku-drifter imoto ibanga elide emhlabeni jikelele.
U-Adams, obhalela iphephandaba elinguzakwabo weSolezwe, ukwenze lokhu kwi-skidpan esimanzi eGerotek, ePitoli, ngoMsombuluko.
Wenze ibanga lika-168.5km nama-laps angu-1000 esikhathini esingamahora amahlanu nemizuzu engu-45. Ubehamba ngeToyota 86.
Osekusele manje wukuthi lokhu kuqinisekiswe ngabeGuinness World Records. Irekhodi elikhona elisemthethweni liphethwe nguHarald Müller waseGermany owenza u-144.125km kwi-skidpan eTurkey ngo-2014. Naye wayehamba ngeToyota 86.
Ebuzwa ukuthi uzizwe kanjani u-Adams uthe ufuna ukuyolala. Uthe ufuna ukugeza emanzini ashisayo bese eqonda embhedeni.
“Kube nesikhathi lapho ngakwi-lap ka-600 ebengizimisele ngokuma. Bengingacabangi ukuthi ngizokwenza kodwa ngikwenzile futhi bengingenza amanye angu-200,” kusho u-Adams.
Umhleli womcimbi u-Adrian Burford uthe umangele futhi ujabule ngalokhu.
“Ngesikhathi siqala ngicabange ukuthi kuzoba yinto enzima ukuyenza.”