Isinqumo ngoMengameli namhlanje

Isolezwe - - IZINDABA -

bophiko lwezokushushiswa nokaMengameli Jacob Zuma bevuma ukuthi kwakungafanele ahoxiswe amacala kaMengameli.

Kwakufanele uMengameli ashushiswe ngaphambi kokhetho luka-2009 kodwa iNhloko yeNational Prosecuting Authority, u-Advocate Mokotedi Mpshe, wawahoxisa amacala.

IDA yaludlulisela udaba enkantolo ikhala ngokuthi uMengameli kufanele ayoziphendulela enkantolo.

INPA ivumile ukuthi uMpshe kwakungafanele asebenzise isigaba u-179 kumthethosisekelo ukuhoxisa amacala kaZuma.

U-Advocate Kemp J Kemp kaZuma uvumile ukuthi akaqondi kwafinyelelwa kanjani kulesi sinqumo. IJaji Mohamed Navsa ubuze ukuthi kuzoba namthelela muni ukushushiswa kukaZuma?

UKemp uthe uma uZuma kufanele ashushise makwenziwe kanjalo kodwa lokhu akusho ukuthi kufanele kuqalwe lapho kwashiywa khona ngoba kufanele kuqale uhlelo lomthetho.

USihlalo weDA uMnuz James Selfe uthe ukuvuma kwazo zonke izinhlaka ukuthi isinqumo esathathwa nguMpshe sasingafanele kusho ukuthi uMengameli usengashushiswa.

Newspapers in Zulu

Newspapers from South Africa

© PressReader. All rights reserved.