Likhale ngezikweletu iqembu lendlamu lihlulwa kowe-e.tv

Isolezwe - - IZINDABA - FANELESIBONGE BENGU

LIKHALE ngezikweletu iqembu lendlamu laseNanda, Amazebra ngesikhathi lihlulwa emncintiswaneni wakwa-e.tv iSA’s Got Talent esongwe eSoweto Theatre ngeSonto.

Amazebra agcine ephuma endaweni yesithathu. Umncintiswano unqotshwe yiqembu laseKapa i-Anecnote ehlomule ngoR500 000. Endaweni yesibili kube yi-Art Of Dance eklonyeliswe ngo-R50 000.

Umholi wamaZebra uSifiso Msomi, uthe ayibanga mihle imiphumela abayitholile futhi ibingabafanele.

“Abantu abasivotelanga ngokwanele. Sihambele izindawo ezahlukene eNanda sicela ukuthi basivotele. Imali esiyitholile (R20 000) sizokhokha ngayo izikweletu ezidaleke silungiselela owamanqamu. Sithenge imvunulo entsha nezigubhu. Vele uR20 000 mncane kithi ngoba sibaningi,” kusho uSifiso. Ubongele iqembu eliwinile wathi lisebenzile. Uthe unethemba lokuthi udumo abaluthole kulolu hlelo luzobasiza ekutheni baqashwe kwezinye izindawo.

Ilungu le-Anecnote, uKevin Smuts, lithe abakholwa namanje ngabakuzuzile.

“Sisathukile futhi asikakholwa. Ngesikhathi esifanayo futhi sijabule ngemiphumela futhi sifuna ukusebenza ngokuzikhandla ukuze sifeze iphupho lethu,” kusho uSmuts.

Bese kusele abayisithupha kowamanqamu njengoba kunqoba i-Anecnote nje.

Inhloko yakwa-e.tv, uMarlon Davids, ithe ichazwe yisibalo sethalente ohlelweni lwakulo nyaka.

“I-e.tv ijabule ngokuvumbulula abantu abangaka kulo nyaka futhi siyaziqhenya nge-Anecnote ngokunqoba lo mncintiswano,” kusho uDavids.

Uhlelo lwethulwa ngusomahlaya uTol Ass Mo. Amajaji bekunguJamie Bartlett, Shado Twala noDJ Fresh. Kowanqamu bese kungababukeli abebevota. EZEBAFANA ZIDINGA UGUQUKO KWI-SAFA THUMELA umbono ngalolu daba kuFacebook (Isolezwe), kuTwitter (@isolezwenews) noma umqhafazo ku-45773. I-sms ibiza R1,50.

Musah Msai Ndamase: Eqinisweni akuhambi kahle kwiSAFA, kudingeka abantu abasha abanamacebo amasha ngoba ukushintsha shintsha abaqeqeshi akwenzi mqondo ophusile. Ushintsho bekufanele luqale phezulu hhayi emazingeni aphansi. Amen kulokho.

Dumisani Teddy: Uqinisile uRhoo abaphume oDkt Danny Jordan kungene ubuso obusha ebholeni laseMzansi, liphathwe ngabalikhathalele. Abanye ababuyele emaklabhini bayophatha khona. KUBOSHWE OBULALE INGANE YESHENDE NOMNGANI WAYO

Kc Mnkandla: Ngempela izwe eliphucuzekile njengeNingizimu Afrika ezwenikazi i-Afrika libe nabantu abasalele muva kangaka, abanenkolelo yokuthi igazi lomuntu lingabuyisa isoka! Kuyihlazo nechilo lokho kwehlisa nesithunzi sezwe.

Phumlile OkaMgabhazi Zondi: Abantu sebeyagula ngempela. Kusewukuthanda umuntu lokho?

Nonhlanhla MaNgema Shangase: Sengidabukela omama bezingane ezibulewe. UNZIMANDE UBAZI NGETULO LIKAZUMA

Sibongiseni Petros Shezi: Pho wayethuleleni engakhulumi kodwa ugcine esekhulumile, okwenze bagcina ngokumxosha. Mina ngifisa amaqembu aphikisayo ahlangane ndawonye aketule i-ANC.

Zungu Buhle BZ EMandeni: Yo Baba Nzimande kwakukuhle nisendawonye. Namuhla sekuphuma nesingakwazi ohhee!!!

Isithombe: SITHUNYELWE

IQEMBU elinqobe iSA’s Got Talent, nomethuli wohlelo uTol Ass Mo i-Anecnote limi namajaji uJamie Bartlett, Shado Twala, uDJ Fresh

Newspapers in Zulu

Newspapers from South Africa

© PressReader. All rights reserved.