Sibulawa yindlala yamanzi e-Underberg
MHLELI: Ngithanda ukuzwakalisa ubuhlungu obusenhliziyweni yami ngokubukeleka phansi kwabantu.
Sekuwusuku lwesithathu amanzi singenawo e-Underberg. Okubuhlungu kakhulu wukuthi asitshelwa lutho siwumphakathi asazi ukuthi kwenzekani ngoba ngeke bakhale ngesomiso. UNkulunkulu emuhle usibusisile ngemvula kulezi zinsuku.
Uma kunenkinga abaziswe abantu kuzanywe nezindlela zokuzwelana nomphakathi enkingeni esuke ibhekene nawo kungaveli kuthuleke nje. Iziphathimandla mazingakhohlwa wukuthi siyadingana.
Uma besahluleka ukwethembeka ezintweni ezincane sizobathemba kanjani ngevoti lethu?
Sukumani baphathi bethu nisilekelele ezinkingeni esisuke sibhekene nazo.