PRAWN-WRAP
Genoeg vir 4 BESTANDDELE
Vir die garnale 2 eetlepels botter 2 eetlepels olie 3 knoffeltoontjies, gekneus en fyngekap 1 rooi brandrissie, pitte en naatjies verwyder 400 g prawns (garnale), koppe en ontlastingpypies verwyder Sout en varsgemaalde swartpeper na smaak Vir die samestelling 4 wraps Roket of blare van jou keuse 1 groot of 2 kleiner avokado’s, ontpit, geskil en in blokkies gesny 1 eetlepel balsamiese asyn 2 eetlepels mayonnaise Sout en varsgemaalde swartpeper na smaak
METODE
Verhit die botter en olie in ’n groot pan oor matige tot hoë hitte en braai die knoffel en rissie daarin vir ’n minuut of twee. Voeg die prawns by, geur met sout en peper en braai vir 2 – 3 minute totdat die prawns pienk verkleur en net-net gaar is. Laat effens afkoel en verwyder die doppe versigtig om die vleis mooi heel te hou. Laat heeltemal afkoel. Pak blare in die middel van die wraps en rangskik die prawns en avokadoblokkies bo-op. Meng die balsamiese asyn met die mayonnaise en giet ‘n bietjie oor elkeen van die hopies op die wraps. Geur met sout en peper, rol op en bedien. Garneer met skyfies suurlemoen. >>