GEURIGE HOENDERKORMA
Genoeg vir 4 BESTANDDELE
8 hoenderporsies 1 koppie volroomjogurt 1 eetlepel knoffelpasta 1 eetlepel gemmerpasta 2 eetlepels koljander, fyngestamp 2 eetlepels olie of ghee 10 swart peperkorrels 10 groen kardemom-sade 1 swart kardemom-saad (opsioneel) 10 naeltjies 1 kaneelstokkie (cinnamon stick) 1 foelieblaar (mace), of gebruik 5 wonderpeper-korrels (allspice) 1 ui, gekap 3 groenrissies Sout en varsgemaalde swartpeper ½ koppies hoenderaftreksel ½ koppie klappermelk (coconut milk) 3 eetlepels geroosterde amandel-vlokkies ¾ teelepel garam masala 1 teelepel suiker Vars koljander, opgekap 5 koppies gaar Spekko India Gate Basmati Rice
METODE
Was die hoender af en verwyder die vel indien jy dit so verkies. Meng die jogurt, knoffel- en gemmerpasta en koljander saam. Bedek die hoenderstukke met die mengsel en sit eenkant vir 30 minute. Verhit die olie of ghee in ’n swaarboompot en soteer die peperkorrels, kardemom, naeltjies, kaneel en foelie. Voeg nou die uie, rissies en sout en peper by. Kook vir ’n minuut of twee. Voeg die hoender by met die marinademengsel. Gooi die hoenderaftreksel in die pot, bedek en laat prut vir 35 minute. Voeg dan die klappermelk en amandels by en prut vir nog 5 minute. Voeg nou die garam masala, suiker en koljander by en geur na smaak.Bedien met Spekko India Gate Basmati-rys.
Resep deur Karen Hart