Platsak-Plat fees

Elke jaar is dit dieselfde storie – ná die vrolikheid van die feestyd is dit weer die harde werklikheid van ’n nuwe jaar vol verantwoordelikhede. En Januariemaand weet ons nou al, is dit klippe kou. Maar ’n plat beursie beteken nie noodwendig jy kan nie s

GOURMET-BOERIE

Genoeg vir 6

BESTANDDELE

6 hot dog-rolletjies Botter vir smeer 300 – 500 g boerewors, in 6 gelyke dele afgebind 3 eetlepels olie 2 groot uie, in skywe gesny 1 vet knoffeltoontjie 1 brandrissie, sade verwyder en in stukkies gekap 3 soetrissies (groen, rooi en geel of net een kleur – jou keuse), wit gedeeltes en sade verwyder en in repe gesny 1 tamatie, gekap (opsioneel) 1 eetlepel Worcestershiresous Sout en varsgemaalde swartpeper na smaak 1 eetlepel klewerige bruinsuiker ¼ koppie hoender- of groente-aftreksel 1 x 250 g maaskaas 2 eetlepels soetrissiesous 1 – 2 stingeluie, gekap of 1 agurkie, in stukkies gekap

METODE

Smeer die hot dog-rolletjies ruimskoots met botter en verbuin vir ’n paar minute onder ’n voorverhitte oondrooster. Plaas die wors op die oondrak van ’n oondroosterpan en rooster onder die voorverhitte oondrooster tot gaar (ongeveer 7 – 10 minute voor jy dit omdraai en aan die onderkant ook vir 5 – 7 minute rooster). Verhit die olie in ’n pan en braai die ui daarin tot sag en deurskynend. Voeg die knoffel, brandrissie en soetrissie by en braai vir ongeveer 3 minute saam met die ui voordat jy die tamaties, Worcestershiresous, bruinsuiker, sout en peper en aftreksel byroer. Laat die pan liggies prut totdat die groente sag en die meeste van die vloeistof weggekook het. Meng die maaskaas, soetrissiesous en stingeluie (of agurkie) in ’n kleinerige mengbakkie. Plaas ’n worsie in elk van die rolletjies en skep die uiemengsel bo-op. Bedien met ’n ruimskootse skep van die maaskaasmengsel bo-op.