SNOEK-EN-PATATSOP

Genoeg vir 4 – 6

BESTANDDELE

3 eetlepels olie 3 groot uie, fyngekap 3 knoffeltoontjies, gekneus en fyngekap 1 teelepel rissievlokkies 1 teelepel bruinsuiker 3 koppies aartappels, geskil en in blokkies gesny 3 koppies patat, geskil en in blokkies gesny 8 – 10 koppies hoenderaftreksel Sout en peper na smaak 200 g gerookte snoek, gevlok, grate en velle verwyder ’n Handvol varsgekapte pietersielie Verhit die olie in ’n groot kastrol en braai die uie daarin tot sag en deurskynend. Voeg die knoffel, rissievlokkies en bruinsuiker by en braai vir nog ’n minuut of twee saam. Voeg die aartappel- en patatblokkies by en meng goed met die bestanddele in die pot. Giet die aftreksel by, geur met sout en peper en bring tot kookpunt. Verlaag die hitte, bedek die pot en laat liggies prut vir ongeveer 20 – 30 minute of totdat die groente sag en gaar is. Verpulp die sop en roer die gevlokte vis en pietersielie by. Voeg nog aftreksel by indien die sop te dik is. Garneer met brandrissie ringetjies vir die mooi en vir die dapperes om te eet.

WENK: Wees versigtig as jy hierdie sop met sout geur – hou in gedagte dat die gerookte vis reeds sout is.