C. J. Langenhoven (1873 – 1932)
Cornelis Jacob Langenhoven is op 13 Augustus 1873 op Ladismith gebore. In 1893 het hy aan die Victoria College (vandag die Universiteit van Stellenbosch) gaan studeer. Hy het ’n groot rol gespeel in die stryd om Afrikaans as amptelike taal te laat erken en hy het ook “Die Stem” geskryf, wat tot vandag toe nog gedeeltelik deel van Suid-Afrika se volkslied is. Hy was ook verantwoordelik vir ’n groot aantal tekste in die Afrikaanse letterkunde.