INSPIRASIE: Re­ken­mees­ter staan weer op ná stu­dies flop en kom bo uit

Die eer­ste keer was sy stu­dies ’n flop, maar hy het weer pro­beer. Nou is hy een van die bes­te re­ken­mees­ters in die land!

Kuier - - Inhoud - Deur Tar­ren-Lee Ha­bel­gaarn

Hy het am­per nie sy B.Rek.-graad ge­vang nie om­dat hy in sy twee­de jaar ge­druip het en uit die u­ni­ver­si­teit ge­skop is. Maar van­dag is El­ton Pul­len (34) van Kuils­ri­vier in die Kaap ’n se­ni­or do­sent en hy is on­langs ook as een van die top35 ge­ok­trooi­eer­de re­ken­mees­ters on­der 35 in die land aan­ge­wys.

Daar is ver­skeie re­des hoe­kom men­se nie ’n graad op u­ni­ver­si­teit kan klaar­maak nie. Vir som­mi­ge is dit fi­nan­si­ë­le druk en vir an­der is die werk net te moei­lik. Vol­gens El­ton het hy eg­ter soos tal­le an­der stu­den­te vas­ge­vang ge­word in die vry­heid en lek­ker tye wat saam met stu­den­te­le­we kom.

Hy het by U­ni­ver­si­teit S­tel­len­bosch ge­swot waar sy ma in die ad­mi­nis­tra­tie­we blok ge­werk het. Deur haar werk­ne­me­raf­slag kon hy gra­tis daar stu­deer. El­ton skud sy kop wan­neer hy ver­tel dat hy nie daar­die ge­leent­heid erns­tig ge­noeg op­ge­neem het nie en baie meer tyd by kui­er­plek­ke as in die klas­ka­mer deur­ge­bring het.

’n Mens sou ver­wag dat hy dalk spyt sou wees oor sy keu­ses wat ge­maak het dat hy nie twee jaar vroe­ër kon graad vang nie, maar El­ton het geen be­rou daar­oor nie. Deur sy fou­te het hy groot le­wens­les­se ge­leer en juis daar­om was hy twee jaar la­ter toe hy sy stu­dies by die U­ni­ver­si­teit van Wes-Kaap­land (UWK) her­vat, baie meer toe­ge­wyd. En kyk nou net waar is hy van­dag. ’n Ge­re­spek­teer­de do­sent by UWK, er­ken­de re­ken­mees­ter en eienaar van sy eie re­ke­ning­kun­de-maat­skap­py. Glad nie sleg vir ie­mand wat op pad was om sy pro­fes­sio- ne­le toe­koms weg te par­ty nie!

Dit was nie mak­lik om weer oor te be­gin nie en hy was skaam om­dat hy sy ou­ers, wat so pas­sie­vol oor op­voe­ding is, te­leur­ge­stel het, maar hy weet hul­le is van­dag saam met hom op­ge­won­de en trots.

Sy pa in­spi­reer hom

Sy pa, El­roy (65), het die s­kool in graad 9 (stan­derd 7) ver­laat en het vir ja­re as skoon­ma­ker by die U­ni­ver­si­teit S­tel­len­bosch ge­werk. El­ton

raak nos­tal­gies wan­neer hy praat oor hoe sy pa al­tyd vir hul­le ver­tel het dat hy een­dag ná ’n ek­sa­men die lo­kaal se vloer moes vee. Hy het daar­die dag be­sluit hy wil nie vir die res van sy le­we ag­ter an­der skoon­maak nie. El­ton se pa het op 25 en as ’n ge­trou­de sy ma­triek klaar­ge­maak en van­dag spog hy met ’n mees­ters­graad in on­der­wys. Dis hoe­kom op­voe­ding in hul huis so be­lang­rik is en al het hy fou­te ge­maak, is dit iets wat nog al­tyd vir El­ton ge­ïn­spi­reer het. Daar was ’n tyd toe El­ton moes be­sluit of hy weer gaan swot. Hy kon nie te­rug­keer Ma­ties toe nie, want hy het nie ge­noeg pun­te ge­had nie. Dis toe dat hy moed skep in sy pa se sto­rie. El­ton het be­sef hy moet sy trots sluk en weer pro­beer. “As jy vir my as stu­dent ge­sê het ek sou op 34 ’n se­ni­or do­sent wees en sul­ke er­ken­ning vir my werk ont­vang, sou ek en die men­se rond­om my se­ker ge­lag het. Dis so mak­lik om jou­self te ver­loor en vas­ge­vang te word in die wil­de stu­den­te­le­we. Dis pre­sies wat met my ge­beur het en toe ek be­sef ek is be­sig om my toe­koms weg te gooi, was dit reeds te laat,” sê hy.

El­ton gaan voort:“Ek het bit­ter min klas by­ge­woon en ge­reeld vir my ou­ers ge­jok oor waar ek is en wat ek doen. Toe ek my twee­de jaar druip, het my ou­ers vir my ge­sê ek moet te­rug­trek huis toe en dat ek self ’n plan moet maak om weer te stu­deer of werk te kry. Ek was bang en ver­leë, maar ek het my pa se sto­rie ont­hou en ge­weet ek sal moet gaan swot.”

Pro­beer weer stu­deer

Hy het met be­hulp van ’n stu­die­beurs hom­self by UWK gaan in­skryf en kon met die me­rie­te van sy eer­ste jaar sy twee­de jaar weer oor be­gin. Dit was ’n twee­de kans en hy het die ge­leent­heid met al­bei han­de aan­ge­gryp. Hy het ook van sy ne­ga­tie­we in­vloe­de ont­slae ge­raak.

Hy het nu­we vrien­de ge­maak en was heel­te­mal ’n an­der stu­dent as die een wat ná s­kool met u­ni­ver­si­teit be­gin het. Hy het el­ke klas by­ge­woon en hom­self ge­vra wat hy in die toe­koms wil be­reik. Hy het ook na­der aan die He­re be­gin le­we en hy glo dít het die groot­ste ver­skil ge­maak.

El­ton meen eers wan­neer jy eer­lik met jou­self is, kan jy die bes­te be­slui­te maak. Dit is ook baie be­lang­rik om ’n goeie men­tor te hê en om hard te werk.

Hy het u­ni­ver­si­teit as een van die sterk stu­den­te in sy klas klaar­ge­maak en vir ’n ruk­kie in die kor­po­ra­tie­we wê­reld ge­werk. Hoe­wel hy die me­de­din­gen­de om­ge­wing ge­niet het, het hy la­ter be­sef sy pas­sie is om an­der ook te help om hul vol­le po­ten­si­aal te be­reik. Dis hoe­kom hy be­sluit het om eer­der ’n do­sent te word.

“Ek het lank te­rug be­sef wan­neer jy jou bes­te gee, sal ie­mand dit raak­sien. Dit mag dalk nie die per­soon wees wie jy hoop jou har­de werk sal raak­sien nie, maar ie­mand sal. En ek voel by die u­ni­ver­si­tiet kan ek on­mid­del­lik die ver­skil sien wat my by­drae in an­der se le­wens maak. Men­se wil rol­mo­del­le hê wat hul­le waar­deer en dit is wat ek my stu­den­te pro­beer leer,”sê hy.

El­ton meen hy help nie net sy stu­den­te met boe­ke­ken­nis nie, maar om­dat hy ja­re se prak­tie­se er­va­ring het, dien dit ook as inspirasie vir die stu­den­te en wil hy graag ’n goeie men­tor vir hul­le wees. Hy sê die werk is moei­lik, maar wan­neer hul­le sien daar is men­se soos hy wat iets be­reik het ten spy­te van hoe hul­le be­gin het, mo­ti­veer dit die stu­den­te ook om hard te werk.“Ek dink my no­mi­na­sie (as een van die land se top­re­ken­mees­ters on­der 35) is goeie be­mar­king vir ons de­part­ment. Vir ons stu­den­te is dit ook be­lang­rik, want dit mo­ti­veer hul­le en wys vir hul­le daar is an­der wat goed doen, so hul­le kan ook goed doen,”sê hy.

Maar selfs nou is dit nie al­tyd mak­lik om po­si­tief te bly nie, want ten spy­te van sy loop­baan­suk­ses het El­ton en sy vrou, A­lex­is (32), in 2016 hul ba­ba op 36 we­ke ver­loor. Dit het hom weer ’n har­de knou ge­gee, maar hy het bo sy pyn uit­ge­styg en sy eie re­ke­ning­kun­de-maat­skap­py oop­ge­maak om jong­men­se en kin­ders met prak­ties te help en ook die­ge­ne wat suk­kel om werk te kry. Hy het dit ook ter her­in­ne­ring aan sy oor­le­de seun be­gin so­dat hul­le sy dood be­te­ke­nis kon gee.

Die hart­seer sit nog vlak en El­ton er­ken hy weet nie hoe hul­le dit deur die laas­te paar jaar ge­maak het nie en dat dit som­mi­ge dae nog moei­lik is. Maar wan­neer hy ten min­ste een per­soon kan in­spi­reer, maak dit als die moei­te werd.“Dit is hoe ek na die le­we ook kyk. Jy weet nooit wie na jóú kyk vir inspirasie om hul eie suk­ses te be­reik nie. Dit is hoe­kom ek nooit tou op­gooi nie en hoe­kom ek net aan­hou al kry die le­we ’n mens soms on­der.”

Sy ad­vies aan men­se is om al­tyd eer­lik met jou­self te wees. Vra vir jou­self waar jy graag oor die vol­gen­de 10 jaar wil wees, so­dat jy weet waar­voor jy werk en doen dan al­les wat jy kan om jou dro­me te laat waar word. Want dis nooit te laat nie.

HOOFFOTO: El­ton Pul­len is as een van die top35 ge­ok­trooi­eer­de re­ken­mees­ters on­der 35 jaar in die land aan­ge­wys. REGS: El­ton by van sy stu­den­te ná ’n ek­sa­men.

Newspapers in Afrikaans

Newspapers from South Africa

© PressReader. All rights reserved.