Tamatiebredie

1 kg skaapvleis (dikrib, nek of skenkel), in stukke gesny Olie 2 uie, gekap 1 steel seldery, gesnipper 2-3 knoffelhuisies, fyn gekap 5 heel wonderpeperkorrels (pimento of allspice) 5 ml gemaalde koljander Knippie fyn gemmer 2 lourierblare 10 ml worcestersous 375 ml vleisaftreksel 8 groot, ryp tamaties, geskil en gekap 3 groot aartapels, geskil en in blokkies gesny 3 groot wortels, geskil en grof gesny Sout, vars gemaalde swartpeper en suiker na smaak 60 ml blatjang Hand vol gekapte, vars pietersielie

Braai die vleis in die olie in ’n swaarboompot tot bruin. Voeg die uie, seldery, knoffel, speserye en lourierblare by en braai vir 5 minute. Voeg die worcestersous en aftreksel by, verhit tot kookpunt en bedek. Prut stadig vir ongeveer 1½ uur. Voeg die tamatie, aartappels, wortels, sout, peper en suiker by en prut vir nog ’n uur. Roer die blatjang en pietersielie by en sit dan voor op rys, krummelpap of stampmielies. Lewer 4-6 porsies.