Varkvleis
Varkvleis is ’n gesonde en bekostigbare vleiskeuse. Dit is ook uiters veelsydig en kan ewe maklik die ster van ’n Sondagtafel as die wenbestanddeel in ’n ekonomiese weeksaandete wees.
BASIESE SNITTE
1. Dikrib/skouerstuk ( shoulder). Die heel skouer kan ontbeen en (net so of gevul) opgebind word vir ’n heel roosterstuk. Tjops wat uit die dikrib of skouerstuk gesny word, is sag en sappig en geskik vir panbraai of oondrooster. Die vleis kan ook in blokkies gesny word vir sosaties of bredies. 2. Boonste lendestuk ( loin). Die boonste lende kan ontbeen en gerol word of in tjops gesaag word. Dit kan ook in tjops gesny word. 3. Middelste lendestek ( loin). Die vleis van hierdie snit kan dieselfde behandel word as die boonste lendestuk. 4. Onderste lendestuk ( loin). Dié snit se vleis kan heel aan die been gelos en in die oond gerooster word of in tjops gesny word. 5. Boud ( leg). ’n Varkboud bly ’n ekonomiese en smaaklike snit waarmee ’n groot aantal mense gevoed kan word. Boud kan aan die been of ontbeen en gestop in die oond gerooster word.ord Die boboudd kan ook in afsonderlike spiere — buiteboud, binneboud en sagte skenkelstuk — opgesny word. Varkboud kan natuurlik ook in blokkies, repies, skywe (vir schnitzel) of tjops gesny word. 6. Skenkel ( hock). Heel varkskenkel wat gepekel en gerook word, staan bekend as eisbein. Maak varkskenkel (heel of in skywe gesaag) lank en stadig met klam hitte gaar. Dit is lekker vleis vir sop, pastei, bredie en potjiekos. 7. Lies ( belly). Varklies het in die afgelope paar jaar ’n uiters gewilde snit geword. Die lies bevat baie vet, maar lewer ’n geurige, sappige roosterstuk op as dit heel (met of sonder been) gaargemaak word. Dit kan ook in repe gesny, gemarineer en oor die kole gebraai word. 8. Bors en ribgedeelte ( breast, rib). Dit is die deel van die vark waaruit spare ribs gesny word. Varkbors kan ook ontbeen en gerol word vir ’n bekostigbare roosterstuk.