2 341 kg/ha

Die mens kan nie droogte keer nie, maar jy kan die invloed daarvan versag deur jou weiveld reg te bestuur, sê prof. Hennie Snyman van die Universiteit van die Vrystaat. Die gemiddelde seisoenale wortelgewig van gras in veld in ’n goeie toestand is deur navorsing oor ’n tydperk van 37 jaar op 2 341 kg/ha vasgestel (in die sentrale grasveldgebied). Op veld in ’n swak toestand is dit slegs 615 kg/ha. Die bogrondse produksiepotensiaal van dieselfde veld in ’n goeie toestand kan vanweë die seisoensvariasie in reënval van 2 678 kg tot 813 kg DM per hektaar wissel. Indien die veld egter in ’n swak toestand verkeer, sal die bogrondse DM-produksie slegs van 889 kg tot 70 kg/ha per jaar wissel.