Sorg eers vir genoeg kontantvloei

Kontantvloei is die belangrikste faktor wat ’n intensiewe skaapstelsel kan maak of breek, volgens mnr. Koetoe Botha van Koppies.

Nog ’n boer wat ’n suksesvolle intensiewe lamstelsel bedryf, is mnr. Koetoe Botha van die plaas Spaarveld, Koppies. Dié voormalige saaiboer boer nou net intensief met sy Dormers en het ook ’n beesboerdery. Hy is onder die naam Jerued Boran- en Dormer-stoetery bekend. Van die saailande word verhuur en hy plant ook graan vir sy eie gebruik. “Ons boer dus nou om die huis,” spot hy. “Die voordeel is dat diefstal nie ’n probleem is nie en dat jy met min hulp oor die weg kom mits jou geriewe reg is en jy tegnologie gebruik.”

Hy sê sonder goeie finansiële bestuur kan ’n intensiewe boerdery met skape nie winsgewend wees nie. Kontantvloei bly die lewensbloed daarvan.

In sy stelsel lê hy klem op ’n deurlopende reproduksieprogram en monitor hy die volgende aspekte deurentyd: ’n Hoë speenpersentasie per jaar. Dit staan reeds op 250 en hy mik na 300. ’n Lamstelsel waarvolgens ooie elke agt maande lam. Die bestuur van die projekplan. Gehaltebeheer deur geakkrediteerde seleksie met behulp van keurders van die Dormergenootskap, terwyl Koetoe ook self vir vrugbaarheid selekteer. Presisievoeding. Dit is noodsaaklik om eers ’n deeglike sakeplan op te stel. Maak seker daar is genoeg kontantvloei vir minstens ’n jaar, wanneer die inkomste eers sal begin. Die eerste lammers moet immers eers slaggewig bereik voor hulle verkoop kan word. Met so ’n intensiewe stelsel koop die boer gewoonlik ooie wat twee tot drie maande dragtig is en skep eers vyf tot ses maande later ’n inkomste. Koetoe se raad is: Koop eerder elke maand ooie aan om die siklus van die begin af reg te kry. Die oorskakeling van ekstensief na intensief kan ook stelselmatig aangepak word deur ooie in groepe te verdeel.

As die beplanning reg gedoen is en die