PLAASINLIGTING
Meienaar van die Toshingoboerdery by Mooirivier, span al 15 jaar lank ’ n ou Poldenvale-beesklampskaal in. Hy weier egter om enige bees wat met ’n trekskaal geweeg is, te verkoop of aan te koop. “Die skaalraam kan maar stokoud wees, soos wat myne is. Solank die elektronika en die weegsel haarfyn en gekalibreer is, sal daar nie foute kom nie.
“Ek boer met ’n Angus-stoetery en ’n kommersiële kudde en ek spekuleer met beeste in ’n klein voerkraal op my plaas. Daarom is die gewig waarteen ek beeste koop en verkoop uiters belangrik, want dit bepaal of ek ’n wins gaan maak of nie. Dit is waarom ek die Micro A12E-weegsel teen groot koste minstens twee maal per jaar laat kalibreer,” sê Douglas.
Hy het die beesklampskaal jare gelede in die hande gekry en toe vir Scaleman in Pietermaritzburg gekontak om die Micro A12E op sy skaal te kom installeer. “Daar lê soveel tweedehandse skaalrame rond wat nog in ’n goeie, werkende toestand is. Dit is onnodig om duisende rande vir ’n splinternuwe een te hoes. Moet egter nie op die weegsel en elektronika probeer geld spaar nie,” sê Douglas.