LESERS LAAT VAN HULLE HOOR
Talle lesers het in briewe gereageer op die artikel wat oorspronklik in Landbouweekblad verskyn het. Hier is uittrekseks:
B. WEYERS, Oude Westhof, skryf: Die eerste slaghuis op Grabouw het aan mnr. Joey Harris behoort. My pa, Pietjie Ryke, het die slaghuis bestuur en het dit later by hom oorgeneem. My ma, Annie, was die eintlike worsmaker en dit was háár resep.
JOHAN OOSTHUIZEN, Matlock, Engeland, skryf: Ek wil dit onomwonde sê: As jy ’n slag lekker wors wil braai, moet jy maar afdraai en by Grabouw Slaghuis jou maandelikse voorraad gaan koop. Lank lewe die ware worsmakers.
FRANSIE SWANEPOEL, Kaapstad, skryf: As ’n boorling van Grabouw het die artikel ’n nostalgiese uitwerking op my gehad. In die 1950’s, toe ek ’n jong seun van 10 jaar oud was, het ek gereeld ’n pond beesrib en ’n pond wors vir ons gesin gaan koop. Ek onthou nog die slaghuis, geleë teen so ’n opdraendjie, met die trappies voor en die sifdeur. Dan die lekker reuke van kruie as jy binnegaan. En die witjas-omies . . . oom Jak, Paul, Abe Smit (die eintlike worsmaker) en Fanie, laasgenoemde se assistent.